ZACARÍAS 5:6 - Dios Rimashcata Quillcashcami

⁶ Chaita ricushpami ñucaca: —Chaica, ¿imatac?— nircani. Shina tapucpimi angelca: —Chai can ricushcaca granota medina cajonmi. Chai cajonca tucui cai pachapi causaccunapac juchata medingapacmi— nirca.

ZACARÍAS 5:6 ပူးပေါင်းရင်းမြစ်များ

LEVÍTICO 19:36

Balanzatapish, pezanatapish, yacu medinatapish, shuctac medinacunatapish allita charinguichic. Ñucami cancunata Egipto llactamanta llucchic Mandac Dios cani.

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

AMÓS 8:6

Huacchacuna mana pagai pudishpaca ñucanchicta serviccunami tucunga. Imata mana chariccunaca ushutamantami ñucanchicta servic tucunga. Lanchashca trigotapish catushunmi» ninguichicmi.

MIQUEAS 6:10

Paica: «Ñucata mana manchac runapac huasipica, ¿shuhuashcacuna tiyangaracchu? ¿Ñuca millana, mana alli medinacuna tiyangaracchu?

SOFONÍAS 1:9

Chai punzhallatacmi pungu jahuata saltashpa pasaccunatapish, paicunapac amocunapac huasicunapi shuhuashpa jundachiccunatapish, umaccunatapish llaquichisha» ninmi.

ZACARÍAS 5:7

Plomomanta ruhuashca tapata pascacpica, shuc huarmimi chai cajón chaupipi tiyacushca carca.