ZACARÍAS 4:2 - Dios Rimashcata Quillcashcami

² Chai ángel tapushpaca: —¿Imatatac ricungui?— nirca. Shina tapucpimi ñucaca: —Aceiteta churana curi candelerota, cutin chai jahuapica canchis lamparacunatapish, canchis tubocunatapishmi ricucuni.

ZACARÍAS 4:2 ပူးပေါင်းရင်းမြစ်များ

1 CRÓNICAS 28:15

Shinallatac curimanta candelerocunata, candeleropi churana lamparacunata curimanta ruhuachunmi cada candeleropac pactaipacta pezashpa curca. Cullquimanta candelerocunata, chai candelerocunata churana lamparata ruhuachunmi cullquita cada candeleropac pactaipacta pezashpa curca.

2 CRÓNICAS 13:11

Paicunami tutamantapish, chishipish animalcunata Diosman cushpa tucui rupachicun. Mishquilla ashnacuc inciensotapish paicunami rupachicun. Shinallatac ima mapa illac mizapimi Diosman tandata churacun. Curi candeleropi tiyac lamparacunatapish tucui chishicunami ninata japichincuna. Ñucanchicca, ñucanchicta Mandac Dios imata mandashcatami pactachinchic. Ashtahuanpish cancunaca saquishcanguichicmi.

2 CRÓNICAS 4:7

Shinallatac curimantami chunga candelerocunata ruhuarca. Chaicunataca Diospac huasi ucupimi pichcataca jahua ladoman, pichcataca ura ladoman churarca.

ECLESIASTÉS 12:6

Cullqui cadena manarac pitiricpi, curi plato manarac paquiricpi, yacu jundu cuchupi puñu manarac paquiricpi, yacu jundumanta yacu aisana manarac pitirishpa ucuman urmacpi, canta ruhuac Diosta yuyaringui.

JEREMÍAS 24:3

Chaita ricuchishpami Mandac Diosca: «Jeremías, ¿imatatac ricungui?» nirca. Shina nicpimi ñucaca: «Higocunatami ricuni. Alli higocunata, sumac higocunatami ricuni. Shinallatac mana alli higocunata, maita mana micuipac higocunatami ricuni» nircani.

JEREMÍAS 52:19

Cuidac soldadocunata mandacca inciensota rupachinacunatapish, lavacaracunatapish, vasocunatapish, uchilla mangacunatapish, candelerocunatapish, uchilla platocunatapish, uchilla lavacaracunatapish aparcami. Curi vasocunatapish, cullqui vasocunatapish tucuitami aparca.

AMÓS 7:8

Mandac Dios chaita ricuchishpaca: —Amós, ¿imatatac ricucungui?— nirca. Shina tapucpimi ñucaca: —Albañilpac plomadatami ricucuni— nircani. Shina nicpimi, Mandac Diosca: —Cai albañilpac plomadahuanmi ñuca acllashca israelcunataca ricugrini. ¡Paicunataca mana ashtahuan llaquishachu!

ZACARÍAS 5:2

Chai ángel ñucata tapushpaca: —¿Imatatac ricucungui?— nirca. Shina nicpimi ñucaca: —Largomanca iscun metro, anchomanca chuscu metro chaupi pillushca cara huairapi rictami ricucuni— nircani.

APOCALIPSIS 1:12

Shina nicta uyashpami ñuca ricungapac tigrarishpaca, canchis curi candelerocunata ricurcani.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 4:5

Chai jatun mandac mandashpa tiyarinamantaca relampacuna, rimashcacuna, shinallatac tulun nishcacunami llucshicurca. Shinallatac chai tiyarinapac ñaupapica canchis mechami japiricurca. Chaicunaca Diospac canchis Espiritumi.