ZACARÍAS 4:14 - Dios Rimashcata Quillcashcami

¹⁴ Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

ZACARÍAS 4:14 ပူးပေါင်းရင်းမြစ်များ

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

ESDRAS 5:2

Shina huillacpimi, Salatielpac churi Zorobabelpish, Josadacpac churi Jesuapish Diospac huasita Jerusalenpi cutin shayachi callarirca. Shinallatac Dios ima nishcata huillaccunapish paicunata ayudarcacunami.

SALMOS 110:4

Mandac Diosca paipac shimihuan rimashpaca: «Cantaca huiñaitami Melquisedec cura shina cachun churani» nirca. Chai nishcataca mana paquingachu.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 89:20

Ñucata servic Davidta japishpami, ñucapaclla cachun aceitehuan cahuircani.

ÉXODO 29:7

Quipaca aceitehuan Aaronpac umapi cahuingui. Chashna ruhuacpimi, ñucapaclla saquiringa.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ISAÍAS 5:1

Ñuca ricsishcamanmi paipac uvas chagramanta cantagrini. Ñuca ricsishcami alli pucuc allpa quingraipi uvas chagrata charirca.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

JEREMÍAS 49:19

Jordán yacu pata sachamanta león animalta japingapac llucshic shina, llucshishpami Edom llactapi causaccunataca chaimanta callpachisha. Chaipica ñuca acllashca runacunatami churasha. ¿Pitac ñuca shina tiyan? ¿Pitac ñucahuan chimbapurai pudin? Ñuca llaquichicucpica, ¿pi michictac misai pudingayari?

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

ZACARÍAS 6:13

Paimi, Mandac Dios ñuca huasitaca shayachinga. Paica tucuipac alli nishcami canga. Pai mandashpa tiyarinapi tiyarishpami, tucuita mandanga. Paipac ladopica shuc curami shayacunga. Paihuanca shuc yuyaillami canga” ninimi.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

SAN LUCAS 1:19

Shina nicpimi angelca: —Ñucaca Diospac ñaupapi, paita servic ángel Gabrielmi cani. Paimi canman cai alli huillaita huillachun cacharca.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.

JOSUÉ 3:11

Tucui cai pachata Mandac Dios ari nishca quillcata huacaichina Arcaca cancunapac ñaupatami Jordán yacuta pasanga.

JOSUÉ 3:13

Tucui cai pachata Mandac Diospac Arcata huandushpa ric curacuna chaquita Jordán yacupi churacpica, chai yacuca chaupiringami. Jahuamanta shamuc yacuca pirca tucushpami saquiringa» nirca.

APOCALIPSIS 11:4

Chai ishcai huillaccunaca cai pachata Mandac Diospac ñaupapi shayacuc ishcai olivos yuracuna, shinallatac ishcai candelerocunami can.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.