ZACARÍAS 3:7 - Dios Rimashcata Quillcashcami

⁷ «Tucuita Mandac Diosca: “Ñuca yachachishca shina causashpa, mandashcacunatapish punzhanta alli pactachishpaca, ñuca huasipi mandanguimi. Shinallatac ñuca huasi canzha pambatapish cuidangui. Chashna ruhuacpica, caipi shayacucpura shinatami cantaca ruhuasha.

ZACARÍAS 3:7 ပူးပေါင်းရင်းမြစ်များ

GÉNESIS 26:5

Abrahamca ñuca rimashcata uyashpami, ñuca nishcatapish, mandashcacunatapish, imata ruhuachun nishcacunatapish, yachachishcatapish pactachirca— nirca.

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

1 CRÓNICAS 23:32

Dios-huan tupana huasitapish, Diospaclla chicanyachishca ucutapish paicunami cuidacurca. Chashnami paicunaca Mandac Diostaca Aaronpac huahua huahuacunata Mandac Diospacta servinata ayudaccuna carca.

ISAÍAS 62:9

Ashtahuanpish cancunallatac cosechashpa micushpami, Mandac Dios ñucataca alli ninguichic. Uvasta pallaccunami ñuca huasi canzha pambapi vinota ubianga» nirca.

EZEQUIEL 44:8

Shinallatac ñucapaclla ruhuanacunata caru llacta gentecuna ruhuachunmi paicunaman curcanguichic.

EZEQUIEL 48:11

Sadocpac huahua huahua curacunaca israelcuna ñucata saquishpa ricpipish, ñucata servishpami catirca. Paicunaca mana levita curacuna shina pandarircachu.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 8:35

Dios-huan tupana huasi pungumantaca canchis punzhacaman ama anchuringuichicchu. Tutapish, punzhapish chaipi canguichic. Cancuna mana huañungapacca, cai mandashcacunatami pactachina canguichic. Mandac Diosca chashnami ñucataca mandarca» nirca.

ZACARÍAS 3:6

Chai quipa Mandac Diospac ángel Josueta rimarishpaca:

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

ZACARÍAS 6:15

Carupi causaccuna shamushpami, Mandac Diospac huasita shayachinata ayudanga. Chaita ricushpami, Mandac Diosllatac cancunapacman ñucata cachashcata yachanguichic. Mandac Dios rimashcata uyashpa cazucpimi, chashnaca tucunga.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

SAN MATEO 19:28

Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

SAN JUAN 14:2

Ñuca Taitapac huasipica achca causanami tiyan. Mana chai shina tiyacpica, huillaimanmi carcani. Cancuna causanata allichingapacmi rigrini.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.