ZACARÍAS 14:4 - Dios Rimashcata Quillcashcami

⁴ Chai punzhami Mandac Diosca Jerusalén chimbapuramanta inti llucshina ladoman cac Olivos urcu jahuapi sarunga. Chashna sarucpimi, chai urcuca inti llucshina ladomanpish, inti tigrana ladomanpish chaupiringa. Shina chaupiricpimi, chai urcu chaupica jatun pugru pamba tucunga. Chaupi urcuca jahua ladoman, caishuc chaupi urcuca ura ladomanmi saquiringa.

ZACARÍAS 14:4 ပူးပေါင်းရင်းမြစ်များ

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

EZEQUIEL 11:23

Mandac Diospac sumaimana achic nicucca pueblo chaupimanta huichai rishpami, inti llucshina ladoman cac urcu jahuapi tiyarirca.

EZEQUIEL 38:20

Mama cuchapi causac challuacunapish, volac animalcunapish, sacha animalcunapish, allpapi llucashpa puric animalcunapish, cai pachapi causac gentecunapish ñuca ñaupapimi chucchunga. Urcucunapish tuñiringami, quingraicunapish urmangami, pircacunapish tucuimi pambayanga.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

ZACARÍAS 14:10

Tucui llactami Geba llactamantaca Jerusalén ura ladoman tiyac Rimón llactacamanmi pugru pamba tucunga. Jerusalenca jahuapimi canga. Chai puebloca Benjaminpac pungumantaca punta pungucaman, pirca esquinapi tiyac pungucamanmi canga. Hananeelpac jatun torremantaca jatun mandacpac uvasta cutana pushtucunacamanmi causanga.

ZACARÍAS 14:7

Chai punzhaca Mandac Diospac ricsishca punzhami canga. Chaipica tutapish, punzhapish mana tiyangachu. Ashtahuanpish punzha shinami tutaca canga.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

ZACARÍAS 4:7

Jatun urculla, Zorobabelpac ñaupapica, ¿imatac cangui? ¡Canca Zorobabelpac ñaupapica pugru pambami tucungui! Paimi ucupi cac rumita llucchinga. Shina llucchicpica: ‘¡Sumacmari, sumacmari!’ nishpami caparinga” ninmi.

MARCOS 11:23

Maijanpish tucui shunguhuan crishpa, mana caita chaita yuyashpa, cai urcuta “caimanta anchuri, jatun cuchaman shitari” nicpica, ringallami. Chaica chashnatacmi canga.