ZACARÍAS 14:12 - Dios Rimashcata Quillcashcami

¹² Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

ZACARÍAS 14:12 ပူးပေါင်းရင်းမြစ်များ

2 CRÓNICAS 21:15

Cantaca sinchi ungüihuanmi llaquichigrini. Huicsa nanaimi cantaca japigrin. Chai ungüi punzhanta anchayamucpimi, chunzhullicuna llucshishpa huañungui” ninimi» nirca.

JOB 18:13

Ungüica huañuipac cuchullapimi. Jahualla carata ismuchishpami, paipac cuerpotaca micushpa tucuchinga.

SALMOS 90:11

¿Pitac can yallita piñarishca ima shina cashcata yachan? ¿Pitac yallita piñarishcataca entendinyari?

LEVÍTICO 26:16

ñucapish cancunataca jatun manchaita, rupachic ungüita, cuerpota irquiyachic ungüita cachashpami cancunata llaquichisha. Cancunaca yangami allpapi tarpunguichic. Chai pucushca granotaca cancunata piñaccunami micunga.

LEVÍTICO 26:18

Chashna llaquichicpipish manallatac cazucpica, canchis cutin yallihuanmi cancunapac juchamantaca llaquichisha.

LEVÍTICO 26:21

Cancuna ñucata manallatac uyashpa, mana cazushpa caticpica, canchis cutin yallihuanmi llaquichisha.

LEVÍTICO 26:24

canchis cutin yallihuanmi cancunapac juchamantaca llaquichisha.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

ZACARÍAS 1:15

Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

ZACARÍAS 12:9

Chai punzhapica Jerusalenta llaquichingapac shamuc llactacunataca tucui tucuchishami.

ZACARÍAS 14:15

Chai runacunapac ungüillatacmi caballocunatapish, mulacunatapish, camellocunatapish, burrocunatapish carpa huasicunapi tiyac animalcunatapish japinga.

ZACARÍAS 14:18

Egiptomanta maijan familia Jerusalenman mana shamucpica, paicunapac llactapica mana tamyangachu. Mandac Diosca ramacunahuan chucllata ruhuana fiestata ruhuangapac mana shamuc gentecunapac llactacunataca jatun ungüihuanmi llaquichinga.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

ZACARÍAS 2:4

Shina shamushpami ñucahuan parlashpa ric angeltaca: «Callpa rishpa chai mosota: “Jerusalenpi achca gentecuna, achca animalcuna tiyashcamantami muyundi pirca illac canga.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

DEUTERONOMIO 28:21

Mandac Diosca cancuna causagricuc llactapica, cancuna tucuringacamanmi ungüicunata cachashpa llaquichinga.

DEUTERONOMIO 28:22

Mandac Diosca tuberculosis, fiebre, pungui, rupachic ungüicunahuanmi llaquichinga. Chagracunatapish intihuan yallita rupachishpa, huairahuan yallita chaquichishpami cancuna tucuringacaman llaquichicunga.

DEUTERONOMIO 28:59

Mandac Diosca unaita llaquichic, manchana plagacunata, yallita cachashpami, cancunapac huahua huahuacunatapish llaquichinga. Llaquichic ungüicunahuan, huañuchic ungüicunahuanmi

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.