ZACARÍAS 12:9 - Dios Rimashcata Quillcashcami

⁹ Chai punzhapica Jerusalenta llaquichingapac shamuc llactacunataca tucui tucuchishami.

ZACARÍAS 12:9 ပူးပေါင်းရင်းမြစ်များ

ISAÍAS 29:7

Ariel llactahuan macanacuc tucui llactacunapish, muyunacushpa shamuc soldadocunapish, baluarteta ruhuashpa chapaccunapish, sueñushpa muscuipi ricuc shinami chingaringa.

ISAÍAS 54:15

Llaquichiccuna shamushpapish mana ñuca cachacpichu shamunga. Canta llaquichingapac pacalla jatariccunaca cambac ñaupapimi urmanga.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

HAGEO 2:22

Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.

ZACARÍAS 12:2

«Ñucami Jerusalenpi causaccunataca muyundipi causaccunapac vino copata shina ruhuasha. Paicunami Judá llacta muyundipi causac paicunata piñaccunataca chucchuchinga. Jerusalenta piñaccuna muyunacushpa shayacuc punzhami chashnaca ruhuanga.