ZACARÍAS 12:12 - Dios Rimashcata Quillcashcami

¹² Cai llactapica cada aillumi chican chican tucushpa huacanga. Davidpac huahuapuracunaca caripura tucushpa, huarmicunaca huarmipura tucushpami huacanga.

ZACARÍAS 12:12 ပူးပေါင်းရင်းမြစ်များ

2 SAMUEL 12:1

Mandac Dios Natanta Davidpacman cachacpi, pai rimashpaca: —Shuc pueblopimi, ishcai runacuna tiyarca. Shucca chayuc, cutin caishucca huacchami carca.

2 SAMUEL 5:14

Jerusalén pueblopi huacharishca huahuacunaca: Samúa, Sobab, Natán, Salomón,

ÉXODO 12:30

Chai tuta Faraonpish, tucui paita serviccunapish, shinallatac tucui Egipto runacunapish jataricpica, shuc huasillapipish huañuicunaca mana illarcachu. Chaimantami jatun huacanacui tiyarca.

JEREMÍAS 13:18

Jatun mandacta, jatun mandacpac mamataca: “Cancuna sumac mandac cashcata ricuchic coronaca cancunapac umamanta urmashcami. Chaimanta cumurishpa, allpapi tiyarichicyari” niyari.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

JEREMÍAS 4:28

Chaimantami cai pachaca yana churanata churarishca shina tucunga. Jahua pachapish purayangami. Chaita ruhuanataca ñucallatacmi yuyarircani. Chaitaca manatac saquishachu. Ñuca ruhuasha nishcataca ruhuashatacmi.

JOEL 2:16

¡Tucui gentecunata tandachishpa, Diospacllata ruhuaichicyari! ¡Pushac yuyaccunatapish, huahuacunatapish, chuchucuc huahuacunatapish tandachicchicyari! ¡Cunanlla cazarashca noviacunata sueñuna ucumanta pushamuichicyari!

ZACARÍAS 12:11

Chai punzhapica Jerusalenpi causaccunaca Meguido pambapi Hadad-rimón diosmanta huacashca shinami, yallita huacanga.

ZACARÍAS 12:13

Levipac huahuacunaca caricunaca caripura tucushpa, huarmicunaca huarmipura tucushpami huacanga. Simeipac aillucunapish caricunapura tucushpa, huarmicunaca huarmipura tucushpami huacanga.

ZACARÍAS 7:3

Shinallatac tucuita Mandac Diospac huasipi causac curacunaman, Dios ima nishcata huillaccunaman: «¿Ñaupa huatacunapi shinallatac pichca quilla chayacpica, llaquilla tucushpa ayunanachu canchic?» nishpa tapuchunpishmi cacharca.

SAN MATEO 24:30

Chashna tucucpimi, Runa Tucungapac shamushca ñuca cutimucuc señalca jahua cielopi ricuringa. Chaita ricushpami, tucui cai pachapi causaccunaca mancharishpa huacanga. Runa Tucungapac shamushca ñucataca poderhuan, sumaimanata achicyachishpa puyupi shamucucta ricunga.

SAN LUCAS 3:31

Eliaquimca Meleapac churi, Meleaca Mainanpac churi, Mainanca Matatapac churi, Matataca Natanpac churimi carca.

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.