ZACARÍAS 12:11 - Dios Rimashcata Quillcashcami

¹¹ Chai punzhapica Jerusalenpi causaccunaca Meguido pambapi Hadad-rimón diosmanta huacashca shinami, yallita huacanga.

ZACARÍAS 12:11 ပူးပေါင်းရင်းမြစ်များ

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

2 CRÓNICAS 35:22

Necaoca Mandac Dios nishcatami huillarca. Ashtahuanpish Josiasca chai nishcata mana cazushpami shuc churanata churarishpa, paihuan macanacungapac rirca. Josiasca Meguido pambapimi macanacungapac rirca.

2 CRÓNICAS 35:24

Shina nicpimi, paita serviccunaca chai carretamanta llucchishpa, caishuc carretapi churashpa Jerusalenman aparicpimi, paica chaipi huañurca. Paitaca, paipac ñaupa taitacunata enterrashca jutcu ladollapitacmi enterrarca. Josías huañushcamantaca Judá llactapi causaccunapish, Jerusalenpi causaccunapish yallitami huacarcacuna.

ZACARÍAS 12:12

Cai llactapica cada aillumi chican chican tucushpa huacanga. Davidpac huahuapuracunaca caripura tucushpa, huarmicunaca huarmipura tucushpami huacanga.

SAN MATEO 24:30

Chashna tucucpimi, Runa Tucungapac shamushca ñuca cutimucuc señalca jahua cielopi ricuringa. Chaita ricushpami, tucui cai pachapi causaccunaca mancharishpa huacanga. Runa Tucungapac shamushca ñucataca poderhuan, sumaimanata achicyachishpa puyupi shamucucta ricunga.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 16:16

Chai millai espiritucunaca hebreo rimaipi Armagedón nishca pambapimi tucui mandaccunata tandachirca.