ZACARÍAS 12:1 - Dios Rimashcata Quillcashcami

¹ Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

ZACARÍAS 12:1 ပူးပေါင်းရင်းမြစ်များ

GÉNESIS 1:8

Chai chicanyachictaca Diosca «Jahua pacha» nishpami shutichirca. Chashnami chishiyashpa, ishcainiqui punzha tucurca.

GÉNESIS 2:7

Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

JOB 26:7

Paica jahua pachatapish airepimi churarca. Cai pachatapish, imahuan mana churachishpami charicun.

JOB 37:18

Dios jahua pachata mana paquiric espejota shina ruhuacucpica, ¿canchu ayudarcangui?

SALMOS 104:2

Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ISAÍAS 40:12

¿Pitac mama cucha yacutaca maqui shunguhuan, cutin jahua pachataca dedohuan medirca? ¿Pitac cai pacha ñuto allpataca paipac quimsa dedohuan tandachirca? ¿Pitac urcucunatapish, lomacunatapish balanzapi pezashpa churarca?

ISAÍAS 40:22

Diosca cai pacha tucui muyundipimi tiyacun. Chaipi causaccunaca langosta curucuna shinami. Paimi jahua pachataca pañota tendic shina, carpa huasita shayachic shina ruhuarca.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

ISAÍAS 44:24

Mamapac huicsapi cacpirac cuidac, cancunata quishpichic Mandac Diosca: «Ñucami tucuita ruhuac Mandac Diosca cani. Ñucallami jahua pachatapish, cai pachatapish pañota tendic shina churarcani.

ISAÍAS 45:12

Ñucaca cai pachata ruhuashpami chaipica runata causachun churarcani. Ñuca maquihuan jahua pachata ruhuashpami, chaipi lucerocuna tiyachunpish mandarcani.

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

ISAÍAS 48:13

Ñuca maquihuanmi cai pachataca ruhuarcani. Ñuca alli lado maqui shunguhuanmi jahua pachataca medircani. Ñuca cayacpica, tucui paicunami tandanacurca.

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

JEREMÍAS 10:12

Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 38:16

Shina nicpimi, jatun mandac Sedequiasca Jeremiasta pacalla rimashpaca: —Cantaca manatac huañuchishachu. Shinallatac canta huañuchinata munaccunapac maquipipish mana churashachu. Cusaita cuc Mandac Diospac shutipimi nini— nirca.

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

JEREMÍAS 51:15

Mandac Diosca poderyuc cashpami cai pachataca ruhuarca. Yallita yachac cashpami cai pachataca maita mana cuyuchipacta churarca. Alli yuyaiyuc cashpami, jahua pachataca pañota tendic shina churarca.

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

EZEQUIEL 18:4

Riquichic, taitapish, churicunapish ñucapacmi. Maijanpish juchayuc runami huañunga.

JOEL 3:19

Egipto llactaca chingaringami. Edom llactapish shitashca pambami saquiringa. Judá llactapi causaccunata llaquichishcamanta, mana faltayuc runacunata huañuchishpa, yahuarta jichashcamantami chashnaca tucunga.

JOEL 3:21

Huañuchishpa yahuarta jichashcamantaca ñucami llaquichisha. Mana allita ruhuashcamantaca manatac perdonashachu. ¡Mandac Dios ñucami, Sión urcupica causasha!» ninmi.

ZACARÍAS 9:1

Mandac Diosca Hadrac llactata, Damasco llactata llaquichinatami huillacun. Shinallatac cai pachapi causaccunatapish, tucui Israel aillucunatapish chaparacunmi.

MALAQUÍAS 1:1

Cai rimaicunaca Mandac Dios israelcuna llaqui tucunamanta Malaquiasman huillachishcami.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

HEBREOS 12:9

Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.