ZACARÍAS 11:7 - Dios Rimashcata Quillcashcami

⁷ Chaimantami randiccuna huañuchina ovejacuna shina, ovejacunata michicurcani. Michingapacca ishcai tauna caspitami japircani. Shuc taunataca Cuyai, caishuctaca Tandanacuitami shutichircani. Shinami chai ovejacunata michicurcani.

ZACARÍAS 11:7 ပူးပေါင်းရင်းမြစ်များ

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SALMOS 90:17

Ñucanchicta Mandac Dioslla, cambac cuyaica ñucanchic-huan cashca cachun. Ñucanchic maquihuan tucui ima ruhuashcapish, ama yanga cachun. Tucui ima ruhuanapipish alli cashca cachun.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

JEREMÍAS 39:10

Shina apashpapish soldadocunata mandac Nabuzaradanca imata mana charic huacchacunataca Judá llactallapitacmi saquirca. Paicunamanca allpacunata, uvas chagracunatami curca.

LEVÍTICO 27:32

Huagrapish, ovejapish chungamanta shucca Mandac Dios ñucapac taunahuan ricuchishpa yupashcaca ñucapacmi can.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

ZACARÍAS 11:14

Chai quipaca israelcunahuan, Judá llactapi causaccunahuan apanacuita tucuchingapacmi, Tandanacui shuti caishuc taunatapish paquircani.

ZACARÍAS 11:4

Ñucata Mandac Diosca: «Huañuchina ovejacunata michi.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

MARCOS 12:37

Davidllatac paitaca: “Ñucata Mandac” nicpica, ¿ima shinatac Cristoca Davidpac aillupuralla cangayari?» nirca. Chai yachachishcataca achca gentecunami cushilla sumacta uyarca.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 SAMUEL 17:40

tauna caspita japishpa, pichca yacu rumita acllashpa, michishpa purina mochilapi churarca. Chashnami paipac huaracata apashpa filisteopacman rirca.

1 SAMUEL 17:43

Chai filisteoca Davidtaca: —Caspicunahuan ñucata macangapac shamuchunca, ¿ñucaca allcuchu cani imatacyari?— nishpami tapurca. Paipac dioscunapac shutipimi Davidtaca maldiciarca.