ZACARÍAS 11:6 - Dios Rimashcata Quillcashcami

⁶ Ñucapish cai llactapi causaccunataca mana ashtahuan llaquishachu. Ñucallatacmi shuctac gentecunapac maquipi, jatun mandacpac maquipi churasha. Paicunata tucuchishpa, llactata chushaclla saquicucpipish, paicunapac maquimantaca mana cacharichishachu» nirca.

ZACARÍAS 11:6 ပူးပေါင်းရင်းမြစ်များ

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ISAÍAS 3:5

Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

LAMENTACIONES 2:21

Huahuacunapish, yuyaccunapish ñancunapimi huañucun. Solteracunapish, mosocunapish espadahuan chugrichishcami huañurca. Can piñarishca punzhapica mana llaquishpami huañuchircangui.

LAMENTACIONES 5:8

Cunanca serviccunacamanmi ñucanchictaca mandashpa llaquichin. Paicunapac maquimanta cacharichicca pi mana tiyanchu.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 2:10

Cunanca, pai mana pingac cashcatami paipac cuyashcacunapac ñaupapimi ricuchisha. Ñuca maquimantaca pipish paitaca mana cacharichi pudingachu.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

HAGEO 2:22

Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.

ZACARÍAS 11:14

Chai quipaca israelcunahuan, Judá llactapi causaccunahuan apanacuita tucuchingapacmi, Tandanacui shuti caishuc taunatapish paquircani.

ZACARÍAS 11:5

Chai ovejacunata randiccunaca mana llaquishpami huañuchinga. Cutin catuccuna catushpaca: “Chayucyashcanimi, chaimanta Mandac Diosca alli nishca cachun” nicunmi. Michiccunapish mana llaquinchu.

ZACARÍAS 11:9

Chaimantami ñucaca: «Mana ashtahuan michishachu. ¡Maijanpish huañucca, huañungachari! ¡Maijanpish chingaricca, chingaringachari! ¡Maijanpish saquiricca, paicunapurallatac tucurinacungachari!» nircani.

ZACARÍAS 14:13

Chai punzhapica Mandac Diosllatac yallita manchachicpimi, paicunapurallatac mancharinga. Ricsishcapurallatac maquipura japinacushpa macanacunga.

ZACARÍAS 8:10

Manarac chai punzhacuna chayacpica, runacuna trabajashcamanpish mana pagarcachu, animalcunamanpish mana cararcachu. Piñaccunata manchashcamantami runacunaca maiman cushilla llucshinatapish, yaicunatapish mana pudirca. Ñucami gentecunapura llaquichinacuchun saquircani.

MALAQUÍAS 4:6

Paimi taita mamacuna huahuacunahuan piñanacushcata, huahuacuna taita mamahuan piñanacushcataca allichinga. Mana shina cacpica, pacta ñuca shamushpa, tucui cai llactapi causaccunata yallita llaquichiman» ninmi.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.

SAN MATEO 24:10

Chai punzhacunapica, taucacunami crinata saquishpa, caishuc chaishuc piñanacushpa prezuchinga.

SAN JUAN 19:15

Shina nicpipish paicunaca: —¡Chacatailla, chacatailla!— nishpami caparircacuna. Shina caparicpimi Pilatoca: —¿Cancunata Jatun Mandactachu chacatachun ninguichic?— nirca. Shina nicpimi, curacunata mandac curacunaca: —Jatun mandac Cesarllatami charinchic. Shuctac mandactaca mana charinchicchu— nirca.

1 TESALONICENSES 2:16

Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.