ZACARÍAS 11:5 - Dios Rimashcata Quillcashcami

⁵ Chai ovejacunata randiccunaca mana llaquishpami huañuchinga. Cutin catuccuna catushpaca: “Chayucyashcanimi, chaimanta Mandac Diosca alli nishca cachun” nicunmi. Michiccunapish mana llaquinchu.

ZACARÍAS 11:5 ပူးပေါင်းရင်းမြစ်များ

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

NEHEMÍAS 5:8

tandachishpaca: —Ñucanchicca, ñucanchic pudishcahuanmi Judá llactapi causac cancunapac huauquicunata, shuctac llacta millai gentecunaman catushcataca cutin randishpa cutichimushcanchic. ¡Shina cacpipish, cancunaca ñucanchicllatac cutin randichunmi cancunapac huauquicunataca cutin catucunguichic!— nircani. Chashna nicpi, paicuna upalla saquiricpimi,

JEREMÍAS 2:3

Israelcunaca ñucapaclla chicanyachishca punta pucushca grano shinami carca. Paicunata tucuchiccunataca yallitami llaquichic carcani” ninmi ningui» nirca.

JEREMÍAS 50:7

Ñuca ovejacunataca pipish tarishpaca huañuchircami. Paicunata piñaccunaca: “Caicunata huañuchishcamantaca mana faltayucchu canchic. Paicunallatacmi cuidashpa causac Mandac Diosta mana cazurca. Paicunapac ñaupa taitacuna shunguta churashpa causana Mandac Diostami piñachirca” nirca.

EZEQUIEL 34:10

Mandac Dios ñucaca: ¡Riquichic, michiccunahuanca yallitami piñarishca cani! ¡Ñuca ovejacuna ima tucushcataca ñucami tapusha! Ña mana paicunata michichun saquishachu. Shina ruhuacpimi, paicunalla cuidarinataca saquinga. Ashtahuanpish ñuca ovejacunataca paicunapac shimimanta quichushpami, paicuna micuchunca, mana ashtahuan saquisha.

EZEQUIEL 34:21

Cancunaca tullu ovejacunataca huicsahuan, rigrahuan, gachucunahuanmi tangashpa, caita chaita cacharcanguichic.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.

OSEAS 12:8

Chaimantami Efraín ailluca: «Ñucanchicca yallita japishpami yallita chayucyashcanchic. Pipish ñucanchictaca mana juchanchingachu. Ñucanchicca ima mana allita mana ruhuashcanchicchu» ninmi.

OSEAS 12:9

Ñucaca Egiptomanta llucchimushca punzhamanta pachami cancunata Mandac Dios cani. Cancunataca fiesta punzhacunapi shinami, carpa huasicunapi causachun saquisha.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN JUAN 10:1

Jesusca: —Maijanpish oveja corralman mana punguta yaicucca shuhuac, huañuchicmi. Chaica chashnatacmi can.

SAN JUAN 16:2

Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

APOCALIPSIS 18:13

Shinallatac canela, mishquilla ashnacuccuna, incienso, mirra, mishquiman ashnacuc jambicuna, vino, aceite, cutashca harina, trigo, aparic animalcuna, ovejacuna, caballocuna, carretacuna, amopacta ruhuac gentecunami carca.

APOCALIPSIS 3:17

Canca, ñucaca chayucmi cani, imapish mana illanchu, tucuipimi alli ricuni nicunguimi. Ashtahuanpish imatapish mana charic, lluchulla, ñahui mana ricuc, misa, pipish mana cuyashca cashcataca mana yachanguichu.