ZACARÍAS 11:1 - Dios Rimashcata Quillcashcami

¹ ¡Líbano urculla, cambac cedro yuracunata nina tucuchichun, pungucunata pascaiyari!

ZACARÍAS 11:1 ပူးပေါင်းရင်းမြစ်များ

JEREMÍAS 22:23

Líbano urcu caspicunahuan shayachishca huasipimi, cedro caspicunapi cuzhata ruhuac shina causarcangui. ¡Canta yalli llaqui japicpica, shuc huarmi sajuarina nanaihuan caparic shinami caparingui!» ninmi.

EZEQUIEL 31:3

Riqui, Líbano llacta tucuita llanduc jatun cedro yura shinami cangui. Chai yura ñahuica puyucamanmi carca.

HABACUC 2:17

Líbano urcuta llaquichishcamanta, sacha animalcunata huañuchishcamanta, chaipi causaccunata huañuchishpa yahuarta jichashcamanta, paicunapac allpata shuhuashcamanta, pueblocunatapish, chaipi causaccunatapish shuhuashpa llaquichishcamantami cantapish llaqui japinga.

HABACUC 2:8

Tauca llactacunamanta imacunata quichushcamantami shuctac gentecunapish can ima charishcacunata quichunga. Huañuchishpa, yahuarta jichashpa llactacunata, pueblocunata quichushcamantami chai llactacunaca tandanacushpa, can charishcacunata quichushpa apanga.

HAGEO 1:8

Urcumanta caspicunata apamushpa, ñuca huasita cutin shayachichic. Chashna ruhuacpimi, yallita cushicushpa, alli nishcapish casha. Chaitaca tucuita Mandac Dios ñucami nini.

ZACARÍAS 10:10

Ñucami paicunataca Egiptomanta pushamusha. Asiria llactamantapish tandachimushami. Paicunataca Galaad, Líbano llactacunamanmi pushamusha. Chai llactacunaca paicunaman mana pactangachu.

ZACARÍAS 11:2

Ciprés yuralla, cedro yura urmashcamanta, jatun yuracuna urmashcamanta huacaiyari. Basán llactapi encina yuracunapish caparishpa huacaichicyari. Quichqui yuracunaca urmashcami.

ZACARÍAS 12:6

Chai punzhapica Judá llacta mandaccunataca ninapi churana fierrota shinata, trigo chagra chaupipi antorcha japiricuc shinatami ruhuasha. Shina ruhuacpimi, muyundi llactacunataca alli ladopi causaccunatapish, lluqui ladopi causaccunatapish tucuchinga. Ashtahuanpish Jerusalenpi causaccunaca paicuna causashcallapitacmi causacunga.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.