ZACARÍAS 10:3 - Dios Rimashcata Quillcashcami

³ Chaimantami Mandac Diosca: «Michiccunahuanca nina japiric shinami, piñarishca cani. Pushaccunata llaquichishami. Ashtahuanpish tucuita Mandac Dios ñucami Judá llactapi causac ñuca acllashcacunataca ricugrisha. Paicunataca ñucapac sinchi caballocunata shinami macanacuipi churasha.

ZACARÍAS 10:3 ပူးပေါင်းရင်းမြစ်များ

JOB 39:25

Ashtahuanpish cornetacunapi tocacpica, mana cazushpa asishpami shayacun. Macanacuitaca carumantami mutquin. Soldadocunata pushaccuna caparishcatapish, macanacuipi caparishcatapish uyanmi.

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

PROVERBIOS 21:31

Macanacui punzhapacca caballotami yallita allichincuna. Ashtahuanpish Mandac Dios mishachicpimi mishancuna.

CANTARES 1:9

Ñuca cuyashcalla, canca Faraonpac carretacunata aisac huarmi caballocuna shinami cangui.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

JEREMÍAS 10:21

Ñucaca: «Michiccunapish yuyai illac tucushpami, Mandac Diostaca mana servin. Chaimantami ima allita ruhuanatapish mana pudin. Paicunapac animalcunapish tucuimi caita chaita rishca.

JEREMÍAS 11:22

Chaimantami tucuita Mandac Diosca: «Ñucami paicunataca llaquichigrini. Quipa huiñai huambracunaca jatun macanacuipimi huañunga. Paicunapac churicunapish, ushicunapish yarcaihuanmi huañunga.

JEREMÍAS 25:12

Canchis chunga huata tucucpimi, Babilonia llactata jatun mandactapish, chai llactapi causaccunatapish, caldeocunatapish paicuna mana allita ruhuashcamanta llaquichishpa, huiñaita shitashca pambata shina saquisha.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

EZEQUIEL 34:11

Mandac Dios ñucaca: Riquichic, ñucallatacmi ñuca ovejacunataca mashcashpa cuidasha.

EZEQUIEL 34:12

Ima shinami shuc michic caita, chaita rishca ovejacunata mashcan, chashnallatacmi ñucapish, ñuca ovejacunataca mashcasha. Puyu tapashca amsa punzhacunapimi ovejacunaca caita chaita rirca. Tucui chaicunataca llucchimushami.

EZEQUIEL 34:2

«Huañunalla runa, Israel michiccuna llaqui tucunata huillashpa, Mandac Diosca: “¡Israel michiccunalla, cancunallami cuidaricunguichic! ¿Manachu michiccunaca ovejacunata cuidana can?

DANIEL 11:32

Dios-huan ari nishcata mana cazuccunataca crinallata parlashpami crichinga. Shina crichicucpipish, paicunapac Diosta ricsic gentecunaca sinchiyashpami shayaringa.

SOFONÍAS 1:8

Mandac Diosca: «Animalta shina huañuchina punzhapica mandaccunata, churicunatapish, shuctac llacta churanata churarishca gentecunatapish llaquichishami.

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

ZACARÍAS 11:17

¡Aij, manada ovejacunata shitac, mana vali michiclla! Paipac rigratapish, alli lado ñahuitapish, espadahuan chugrichichun. Paipac rigrapish tucui chaquichun. Alli lado ñahuipish amsayachun» nirca.

SAN LUCAS 1:68

«Israelcunata Mandac Diosca alli nishca cachun. Paimi pai acllashcacunata quishpichingapac shamushca.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

RUT 1:6

Noemica Moab llactapi cashpami: “Mandac Diosca pai acllashcacunata llaquishpami cutinllatac granota pucuchi callarishca” nicta uyarca. Shina uyashpami paipac ishcai nueracunandi Moab llactamanta cutirca.