ZACARÍAS 1:8 - Dios Rimashcata Quillcashcami

⁸ Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

ZACARÍAS 1:8 ပူးပေါင်းရင်းမြစ်များ

GÉNESIS 20:3

Ashtahuanpish Dios tuta muscuipi ricurishpami, jatun mandac Abimelectaca: «Riqui, chai huarmita apamushcamantaca huañugringuimi. Chai huarmica cusayucmi» nirca.

GÉNESIS 46:2

Chaipimi Diosca Israelman tuta muscuipi shina ricurishpaca: —Jacobo, Jacobo— nirca. Shina nicpimi Jacoboca: —Caipimi cani— nirca.

1 REYES 3:5

Shuc tutami Mandac Diosca pai Gabaonpi cacpi, Salomonman muscuipi ricurishpaca: —Imata, ñuca canman cuchun munashpaca mañailla— nirca.

NEHEMÍAS 8:15

Chaimantami tucui pueblocunapi, Jerusalenpi causaccunaman huillachun cacharca. Chashna cachashpaca: «¡Chucllacunata ruhuangapac urcuman llucshishpa, olivos ramacunata, sacha olivos ramacunata, arrayán ramacunata, palmera ramacunata, panga jundashca yuracunamanta ramacunata apamuichic!» nishpami mandashcapi nishca shina cacharca.

JOB 4:13

Tuta ima yuyaicunapish yallita shamucpi, tuta runacuna yallita sueñunayachishpa sueñucucpi, shinami uyarcani.

CANTARES 2:16

Ñuca cuyashcaca ñucapacmi, ñucaca paipacmi cani. Paica lirio sisa chaupipimi michicun.

CANTARES 6:2

Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

ISAÍAS 41:19

Shitashca pambacunapica cedro, acacia, arrayán, olivos yuracunatami huiñachisha. Chushac pambacunapica ciprés, pino, boje yuracunatami huiñachisha.

ISAÍAS 55:13

Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

DANIEL 7:2

Chashna quillcashpami Danielca: «Ñucaca shuc tutami muscuipi shina jahua pacha huaira chuscu ladomanta mama cuchata caiman chaiman cuyuchicucta ricurcani.

ZACARÍAS 1:10

Shina nicpimi, arrayán yuracuna chaupipi shayacuc runaca: —Caicunaca Mandac Dios cai pachata muyuchun cachashcacunami— nirca.

ZACARÍAS 1:11

Shina nicpimi, paicunaca arrayán yuracuna chaupipi shayacuc Mandac Diospac angeltaca: —Ñucanchicca ñami cai pachata muyumunchic. Tucui cai pachami cushilla sumacta causacun— nirca.

ZACARÍAS 1:7

Jatun mandac Darío ishcai huata, chunga shuc quillata mandacucpi, Sebat nishca quilla ishcai chunga chuscu punzhapimi Mandac Dios muscuipi shina rimarca. Ñucaca Berequiaspac churi, Iddopac nieto, Dios ima nishcata huillac Zacariasmi cani.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

NÚMEROS 12:6

Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

APOCALIPSIS 2:1

Efeso pueblopi cac tandanacushca criccunata ricuc angelman quillcai: “Chai canchis lucerocunata alli maquipi charicuc, chai canchis curi candelerocunapac chaupipi puricucca:

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.

APOCALIPSIS 6:4

Chaimantaca shuc puca caballomi llucshirca. Chai caballopi tiyacucmanca cai pachapi sumac causaita anchuchishpa, caishuc chaishucta macanacuchishpa huañuipi churana poderta cushpami shuc jatun espadatapish curca.