ZACARÍAS 1:5 - Dios Rimashcata Quillcashcami

⁵ ¿Maipitac cancunapac ñaupa taitacunaca? Ñuca ima nishcata huillaccunaca, ¿huiñaitachu causanga?

ZACARÍAS 1:5 ပူးပေါင်းရင်းမြစ်များ

2 REYES 13:14

Eliseoca huañuna ungüihuanmi yallita ungurca. Israel llactata jatun mandac Joasca ricungapacmi urai shamurca. Paipac ñaupapi huacashpaca: —¡Ñuca taitalla, ñuca taitalla! ¡Canca macanacuna carretacunata, caballopi ric soldadocuna shinamari israelcunapacca cangui!— nirca.

2 REYES 13:20

Eliseo huañucpica, enterrarcami. Shuc huata quipami tandanacushpa shuhuac moabitacuna macanacunahuan Israel llactaman shamurca.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

ECLESIASTÉS 1:4

Huahua huahuacunaca huañunmi. Shuctac huahua huahuacunaca huacharinmi. Ashtahuanpish allpaca chashnallatacmi can.

ECLESIASTÉS 12:5

Huichaiman rinapish manchanami ricuringa. Ñanpica manchaillami tiyanga. Almendro yurapish sisangami. Langosta curucunapish jundangami. Micuna munaipish mana tiyangachu. Huiñaita causana huasiman ricucpica, duelota ruhuac runacunaca huacashpami plazata muyungacuna.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

JEREMÍAS 36:28

«Cutin shuctac carata japi. Chaipica Judá llactata jatun mandac Joacim rupachishca carapi quillcashcallatatac quillcai.

LAMENTACIONES 5:7

Ñucanchic taitacunaca juchallishpami huañurca. Paicunamantami ñucanchicca llaquita apacunchic.

SAN JUAN 8:52

Shina nicpimi, mandac israelcunaca: —Cunancarin supaihuan cashcata yachanchictacmi. Abrahampish, Dios ima nishcata huillaccunapish huañurcami. Shina cacpica, ¿ima nishpatac canca “maijanpish ñuca nishcata cazuccunaca mana huañungachu” ninguiyari?

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.