ZACARÍAS 1:2 - Dios Rimashcata Quillcashcami

² «Mandac Dios ñucaca cancunapac ñaupa taitacunahuanmi yallita piñarircani.

ZACARÍAS 1:2 ပူးပေါင်းရင်းမြစ်များ

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

2 REYES 23:26

Josías chashna ruhuacpipish, Mandac Diosca Judá llactata jatun mandac Manasés yallita millaita ruhuashcamantaca Judá llactapi causaccunahuan nina japiric shina piñarishpami catirca.

ESDRAS 9:13

Ashtahuanpish ñucanchic mana allita ruhuashcamanta, ñucanchic yallita juchata ruhuashcamantaca cai tucui llaquicunami shamushca. Shina cacpipish, ñucanchic Dioslla, ñucanchic mana allita ruhuashca shina mana llaquichishpami, cai ashallatapish saquishcangui.

SALMOS 60:1

Sumac Dioslla, canmi ñucanchicta shitashcangui. Llaqui tucuchunpish saquishcangui. ¡Piñarishca cashpapish ñucanchicta llaquiyari!

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

LAMENTACIONES 5:7

Ñucanchic taitacunaca juchallishpami huañurca. Paicunamantami ñucanchicca llaquita apacunchic.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

ZACARÍAS 1:15

Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

ZACARÍAS 7:12

Paicunaca tucuita Mandac Dios mandashcatapish, paipac Espíritu huillashcatapish, pai ima nishcata ñaupa huillaccuna huillashcatapish mana uyashun nishpa, diamante rumi shina sinchi shungu tucurca. Chaimantami tucuita Mandac Diosca paicunahuan nina japiric shina piñarirca.

ZACARÍAS 8:14

Tucuita Mandac Diosca: Cancunapac ñaupa taitacuna ñucata yalli piñachicpi llaquichinata yuyarishca shinallatacmi cancunatapish llaquichisha. Chaitaca pactachishatacmi.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.