ZACARÍAS 1:19 - Dios Rimashcata Quillcashcami

¹⁹ Chaita ricushpami, ñucahuan parlac angeltaca: —¿Imatac chaicunaca?— nircani. Shina nicpimi, chai angelca: —Chaicunaca Judá llactapi causaccunatapish, israelcunatapish, Jerusalenpi causaccunatapish caiman, chaiman shic-huashpa cachac gachucunami— nirca.

ZACARÍAS 1:19 ပူးပေါင်းရင်းမြစ်များ

1 REYES 22:11

Quenaanapac churi Sedequiasca fierromantami gachucunata ruhuachishca carca. Chashna ruhuachishpami paica: «Mandac Diosca: “¡Cai gachucunahuanmi siriocunataca sacmashpa tucuchingui!” ninmi» nirca.

ESDRAS 4:1

Prezumanta cutimushca israelcuna Mandac Diospac huasita shayachicushcata Judapac, Benjaminpac aillucunata piñaccuna yachac chayashpami,

ESDRAS 4:4

Shina nicpimi, chai llacta cuchullapi causaccunaca Diospac huasita ama ruhuachun, Judá llactapi causaccunataca imacunata nishpa manchachirca.

ESDRAS 4:7

Artajerjes mandacui punzhacunapipish, Bislampish, Mitridatespish, Tabeelpish, paicunapac shuctac ricsishcacunapish shuc quillcata Persia llactata jatun mandac Artajerjesman cacharcacunami. Chai quillcashcaca arameo rimaipimi carca.

ESDRAS 5:3

Chai punzhacunami jatun yacu chimba lado llactacunata mandac Tatnaica Setar-boznaihuan, caishuc huauquicunahuan Jerusalenman shamushpaca: «¿Pitac cai huasita shayachichun, muyundi pircata ruhuachunca mandarcayari?» nishpa tapurca.

SALMOS 75:4

Jatun tucushcacunatapish, mana cazuccunatapish rimashpaca: «¡Ña ama ashtahuan jatun tucushpa cushicuichicchu!

SALMOS 75:5

¡Ama yallita cari tucushca caichicchu. Ama pingai illac shina maipish cachun rimaichicchu!» ninmi.

JEREMÍAS 48:25

Mandac Diosca: «Moab llactapac fuerzapish, poderpish chingarishcami» ninmi.

DANIEL 12:7

Shina nicpimi, jatun yacu jahuapi lino churanata churashca shayacuc runaca alli maquitapish, lluqui maquitapish alzashpa huiñaita causac Diospac shutipi rimashpaca: “Quimsa huata chaupipimi chaica canga. Tucui caicunaca Diospaclla causaccuna mana ashtahuan llaquichishca cacpimi pactanga” nirca.

DANIEL 7:16

Chai shayacuccunapuramanta shucpacman cuchuyashpami, tucui chaicuna imata nisha nicushcata tapurcani. Chashna tapucpimi, paica chaicuna imata nisha nicushcata huillashpaca:

AMÓS 6:13

Cancunaca yangami cushicushpa: «Lodebar llactataca ñucanchic alli yachac cashcamantami mandacunchic» ninguichic.

HABACUC 3:14

Soldadocunataca paicunapac flechacunallahuantacmi huañuchircangui. Paicunaca piñarishpami acapana huaira shina caita chaita shic-huanata yuyarca. Paicuna imatapish mana charic runata pacalla llaquichic shinami, jatun tucushpa llaquichinata munarca.

ZACARÍAS 1:18

Chai quipaca huichai ricushpaca, chuscu gachucunatami ricurcani.

ZACARÍAS 1:21

Chaita tapushpami ñucaca: —Cai runacunaca, ¿imatac ruhuangapac shamun?— nircani. Shina nicpimi, chai angelca: —Ñaca ricushca gachucunaca Judá llactapi causaccunataca caiman, chaiman shic-huashpa cacharcami. Chashna ruhuacpica, pipish mana umata alzarcachu. Ashtahuanpish cai carpinterocunaca llactacunapi tiyac chai gachucunata chucchuchishpa, urmachingapacmi shamucun. Judá llactapi causaccunata caiman, chaiman shic-huashpa cachangapacmi gachuta alzarca— nirca.

ZACARÍAS 1:9

Chaita ricushpami ñucaca: —Ñuca amolla, ¿imatac caicunaca?— nircani. Shina nicpimi, ñucahuan rimac angelca: —Ñucami caicuna ima cactaca ricuchisha— nirca.

ZACARÍAS 2:2

Shina ricushpami chai runataca: —¿Maimantac ricungui?— nircani. Shina tapucpimi paica: —Jerusalenta medishpa, quingraimanpish, sunimanpish mashnata medic cashcata ricungapacmi ricuni— nirca.

ZACARÍAS 8:14

Tucuita Mandac Diosca: Cancunapac ñaupa taitacuna ñucata yalli piñachicpi llaquichinata yuyarishca shinallatacmi cancunatapish llaquichisha. Chaitaca pactachishatacmi.