ZACARÍAS 1:15 - Dios Rimashcata Quillcashcami

¹⁵ Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

ZACARÍAS 1:15 ပူးပေါင်းရင်းမြစ်များ

JOB 30:13

Ñuca llaqui tucuchunmi ñuca purina ñantapish jarcancuna. Ñuca llaquipi cacta ricushpami chashna ruhuarcacuna. Paicunataca pipish mana jarcarcachu.

SALMOS 123:4

Cushilla causaccunaca burlashpami asincuna. Jatun tucushpa llaquichiccunaca millanayachincunami. Chaimantami ñucanchic almaca yallita shaicushca.

SALMOS 137:7

Mandac Dioslla, edomitacunata yuyariyari. Jerusalenta llaquichicuc punzhapica paicunaca: «Urmachichic. Callari rumicunatapish ama saquishpa urmachichic» nircacunami.

SALMOS 69:26

Paicunaca llaquihuan cac runatami llaquichincuna. Can nanachishca runatami mana alli nishpa parlancuna.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 50:33

Tucuita Mandac Diosca: «Israelcunapish, Judá llactapi causaccunapish llaquichishcami causan. Paicunata prezu apaccunaca mana cacharishpami charicun.

JEREMÍAS 51:24

Babilonia llactapi causaccunatapish, Caldea runacunatapish, Sionta llaquichishcamantaca cancunapac ñaupapimi llaquichigrini» ninmi

EZEQUIEL 26:2

«Huañunalla runa, Tiro llactapi causaccunaca Jerusalén llaqui tucushcata ricushpaca: “¡Llactacunapac pungu shina, Jerusalenca tucurishcami! ¡Chai llacta tucuricpica, ñucami achcata charisha, Jerusalenca shitashcami! ¡Allita chashna tucurca!” nircami.

AMÓS 6:1

¡Sionpi cushilla causaccunalla, Samaria urcupi imatapish mana manchashpa causaccunalla! Tucui llactamanta ashtahuan alli nishca mandaccunami canguichic. Chaimantami israelcunaca cancunapacman shamun.

HABACUC 3:12

Canca yallita piñarishpami, cai pachataca sarurcangui, shuctac llactacunataca nina japiric shina piñarishpami sarunacurcangui.

ZACARÍAS 1:11

Shina nicpimi, paicunaca arrayán yuracuna chaupipi shayacuc Mandac Diospac angeltaca: —Ñucanchicca ñami cai pachata muyumunchic. Tucui cai pachami cushilla sumacta causacun— nirca.

ZACARÍAS 1:2

«Mandac Dios ñucaca cancunapac ñaupa taitacunahuanmi yallita piñarircani.

ZACARÍAS 14:12

Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

ZACARÍAS 6:8

Chai quipata ángel ñucata cayashpaca: —Riqui, jahua lado llactaman riccunaca chai llactapi ñuca piñarishcata chiriyachingapacmi rirca— nirca.