ZACARÍAS 1:12 - Dios Rimashcata Quillcashcami

¹² Shina nicpimi, Mandac Diospac angelca: —Tucuita Mandac Dioslla, Jerusalenpi, Judá llacta pueblocunapi causaccunahuanca canchis chunga huatacunatami piñashca cangui. ¿Ima horascamantac mana llaquishpa piñacunguilla?— nirca.

ZACARÍAS 1:12 ပူးပေါင်းရင်းမြစ်များ

2 CRÓNICAS 36:21

Mandac Diosca paicunata cashna llaquichinataca Dios ima nishcata huillac Jeremiastami huillachishca carca. Paicunata chai llactaman apacpimi, Judá llactaca canchis chunga huatacunacaman sumacta samarirca.

SALMOS 102:10

Can yallita piñarishcamantami chashna tucuni. Ñucata jahuaman huichicuchishpami tangashpa shitarcangui.

SALMOS 102:13

Sión pueblota llaquina punzhacunaca chayamushcami, llaquingapac jatariyari. ¡Ayudana huatacunami ña chayamushca.

SALMOS 69:5

Dioslla, ñuca yuyai illac cashcataca canllatac yachanguimi. Ñuca juchacunapish mana pacaipacchu.

SALMOS 74:10

Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

ECLESIASTÉS 3:3

Huañuchingapacpish, jambingapacpish punzha tiyanmi. Tuñingapacpish, pircangapacpish punzha tiyanmi.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 12:4

¿Ima punzhacamantac ñucanchic allpaca quihuacunapish mana huiñashca shitashca pamba shina canga? Cai llactapi causaccuna mana allita ruhuashcamantami pambata puric animalcunapish, volac animalcunapish huañushpa tucurirca. Paicunaca: «Diosca ñucanchictaca mana tucuchingachu» nishpami, mana allita ruhuarca.

JEREMÍAS 15:17

Millaita ruhuashpa cushicuc runacunahuanpish mana tandarircanichu. Can ñucata cambacllata ruhuashcamanta pachami, ñucalla causai callarircani. Chai millaita ruhuaccunataca mana ricunayanchu.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

JEREMÍAS 30:18

Mandac Diosca: «Riquichic, Jacobopac huahua huahuacunataca prezumanta cutin llucchimushpami, paicunapac carpa huasicunataca allichisha. Paicuna causana llactaca tucurishca llacta jahuallapitacmi shayachishca canga. Mandashpa tiyana huasipish utcaman maipi cashcallapitacmi shayachishca canga.

DANIEL 12:6

Shina shayacucpimi, lino churanata churashca jatun yacu jahuapi shayacuctaca: “Cai sumaimana ruhuanaca, ¿ima horastac tucuringayari?” nishpa tapurcani.

DANIEL 9:2

Daniel ñucaca ima horascaman Jerusalén shitashca saquirinamanta Dios ima nishcata huillac Jeremiasman Mandac Dios huillashpa, quillcashca libropi rezarcani. Canchis chunga huatata chashna shitashca saquirinatami huillacurca.

HABACUC 1:2

Mandac Dioslla, ¿ima horacamantac ñuca mañashcata mana uyagringui? ¿Ima horacamantac ama llaquichichu nishpa caparicushalla? ¿Imamantatac mana quishpichingui?

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

ZACARÍAS 7:5

«Cai llactapi tucui causaccunatapish, curacunatapish rimashpaca: “Cancuna cai canchis chunga huatacunata, pichca quillapi, canchis quillapi llaquilla tucushpa, ayunashpaca, ¿ñucata yuyarishpachu ayunarcanguichic?

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.