ZACARÍAS 1:11 - Dios Rimashcata Quillcashcami

¹¹ Shina nicpimi, paicunaca arrayán yuracuna chaupipi shayacuc Mandac Diospac angeltaca: —Ñucanchicca ñami cai pachata muyumunchic. Tucui cai pachami cushilla sumacta causacun— nirca.

ZACARÍAS 1:11 ပူးပေါင်းရင်းမြစ်များ

JOB 1:7

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa muyushpami shamuni— nirca.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

ISAÍAS 14:7

Cunanca, tucui cai pachapi causaccunami imatapish mana manchashpa, Mandac Diosta alli nishpa, cushilla causan.

DANIEL 10:20

Shina nicpimi paica: “¿Imapac cambacman shamushcata yachanguichu? Cunanca Persia llactata mandaccunahuan macanacungapac cutinami cani. Paita mishashca quipaca, Grecia llactata mandacmi macanacungapac shamunga.

ZACARÍAS 1:10

Shina nicpimi, arrayán yuracuna chaupipi shayacuc runaca: —Caicunaca Mandac Dios cai pachata muyuchun cachashcacunami— nirca.

ZACARÍAS 1:15

Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

ZACARÍAS 6:7

Bayu caballocuna aisashca carretaca cai pachata muyugrinatami yallita munarca. Chaimantami angelca: —¡Cai pachata muyugrichic!— nirca. Chaimantami cai pachata muyugrirca.

SAN MATEO 13:41

Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha.

SAN MATEO 13:49

Chashnami cai pacha tucuri punzhapica canga. Chaica angelcuna shamushpami allita ruhuaccunapuramanta mana allicunata chicanyachishpa,

SAN MATEO 25:31

Runa Tucungapac shamushca ñuca sumaimana achic nicuc-huan achicyachishpa, tucui angelcunahuan shamushpaca, jatun mandac tiyarinapimi tiyarisha.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.