TITO 3:14 - Dios Rimashcata Quillcashcami

¹⁴ Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

Nuevo Testamento en Quichua Cañar 1996

¹⁴ Chashna ñucanchicpuramanta caccunaca allita ruhuashpa, huacchacunaman ima illashcata cushpa ayudashpa, Taita Diospac ñaupapi allicuna cachunmi nini.

TITO 3:14 ပူးပေါင်းရင်းမြစ်များ

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

SAN MATEO 21:19

Jesusca ñan ladopi shuc higo yurata ricushpami, higota pactangapac cuchuyarca. Ashtahuanpish chai yuraca pangacuna jundashcami cashca carca. Chaimantami chai yurataca: “Jaicapi ama pucuchun” nirca. Chashna nincami, chai yuraca chaquirca.

SAN MATEO 7:19

Mana alli granota pucuc yurataca, tucui pitishpa ninapi shitanami.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

SAN JUAN 15:8

Chashna alli pucuc ramacuna shina cacpimi, ñuca Taitaca jatunyachishca canga. Shinallatac ñuca yachacuccuna cashcatapish ricuchinguichicmi.

HECHOS 18:3

Pabloca, paipish carpata ruhuac cashpami, paicunahuan carpata ruhuangapac saquirirca. Paicunaca carpata ruhuaccunami carca.

HECHOS 20:35

Chashna trabajashpami huacchacunata ayudana canguichic. Chaitami yachachicurcanilla. Apunchic Jesusca: “Ayudacmi, chasquicta yalli cushicun” nircami. Chaita yuyaringuichic» nirca.

ROMANOS 12:13

Criccunapurapi ima illashcata, cushpa ayudaichic. Shuctac llactamanta shamuccunata pozachichic.

ROMANOS 15:28

Ñuca imata ruhuasha nishcata tucuchishpa, ofrendatapish cushpaca, España llactaman rishallami.

EFESIOS 4:28

Shuhuac cashpapish shuhuanata saquishpa, trabajanata yuyaichic. Shina quiquin maquihuan trabajashpami, huacchacunaman imata cungapacpish charinguichic.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

FILIPENSES 4:16

Tesalónica pueblopi cacpipish, ñucaman ima illashcataca cutin cutinmi carashpa cacharcanguichic.

FILIPENSES 4:17

Cancuna ima cushcata chasquinallataca mana yuyanichu, ashtahuanpish cancuna carashcamantaca Diospac ñaupapi ashtahuan charichunmi munani.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

1 TESALONICENSES 2:9

Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

2 TESALONICENSES 3:8

Pipac micunatapish mana yanga micurcanchicchu. Chaipac randica, imata mañashpa cancunata mana piñachingapacmi tutapish, punzhapish mana samarishpa, trabajashpa causarcanchic.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.

2 PEDRO 1:8

Cancuna tucui caicunata charishpa, punzhanta ruhuashpa causacpica, cancunapac causaipish grano pucuc shinami alli canga, shinallatac Apunchic Jesusta crishcapish mana yangachu canga.