TITO 3:11 - Dios Rimashcata Quillcashcami

¹¹ Chai runa paillatac pandarishpa, juchata ruhuashpa, paillatac llaquiman ricushcataca yachanami cangui.

Nuevo Testamento en Quichua Cañar 1996

¹¹ Chai runa pandarishcamanta mana allita ruhuashpa, paillatac llaquiman ricushcata yachanami cangui.

TITO 3:11 ပူးပေါင်းရင်းမြစ်များ

SAN LUCAS 19:22

Chashna nicpimi chai mandacca: “Mana allita ruhuac servicmi cangui. Chashna nishpaca, canllatacmi llaquita apangui. Ñuca cashcatapish, manapish cushpa chasquiclla cashcatapish, manapish tarpushcata cosechaclla cashcatapish yacharcanguimi.

SAN LUCAS 7:30

Ashtahuanpish fariseocuna, mandashcacunata yachachiccunaca Dios ima paicunaman allita ruhuasha nishcataca mana chasquishun nircachu. Shinallatac Juan bautizacucpica, mana bautizarisha nircachu.

SAN JUAN 3:18

Maijanpish Diospac Churita cricca mana llaqui pachaman ringachu, ashtahuanpish paipac shuclla Churita mana cricmi, pai mana crishcamanta llaqui pachaman ringa.

HECHOS 13:46

Chashna rimacucpipish, Pabloca Bernabehuan manchashpami, cashna nishpa huillarca. Paicunaca: —Cancuna israelcunamanracmi, Diospac shimita huillana carcanchic. Chashna cacpipish, cancunaca mana uyashun nishpami, huiñai causaita mana chasquishun ninguichic. Chaimanta cunanllatacmi mana israelcunaman huillangapac rigrinchic.

HECHOS 15:24

Manapish ñucanchic mandacpi, ñucanchicpuramanta maijancuna cancunapacman rishpa: “Circuncisionta ruhuashpa, Moisés mandashcacunata pactachinami canguichic” nishpa, pandata yachachishcatami uyashcanchic.

HECHOS 23:25

Shuc quillcata quillcashpaca:

ROMANOS 3:19

Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata chasquiccunaman huillacun. Chaitaca yachanchicmi.

2 TIMOTEO 2:14

Tandanacushca criccunapurapi “caica chashnami, chaica chashnami” ninacushpa ama piñanacui tiyachunca, Diospac ñaupapi cunashpa caicunata yachachingui. Chashna rimanacuicunaca imapacpish mana allichu, ashtahuanpish uyaccunata pandachinmi.

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Paicunataca upallachina can.

TITO 1:14

Shinallatac israelcunapac yuyaimanta llullashca yanga parlocunatapish, chashnallatac cashcata nic huillashcata mana cazushun niccuna mandashcacunatapish ama uyachunmi, chashna sinchita rimana cangui.

HEBREOS 10:26

Cashcata nic huillashcata yachashca jahua juchata ruhuashpaca, quishpiringapacca imata mana cui pudinchicchu.