TITO 1:5 - Dios Rimashcata Quillcashcami

⁵ Creta llactapi canta saquishpaca, ñuca nishca shinallatac chai allichina cashcatapish allichichun, tandanacushca criccuna tiyac pueblocunapica criccunata pushaccunata acllashpa churachunmi saquimurcani.

Nuevo Testamento en Quichua Cañar 1996

⁵ Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.

TITO 1:5 ပူးပေါင်းရင်းမြစ်များ

1 CRÓNICAS 6:32

Paicunami Mandac Diospac huasita Jerusalenpi Salomón tucui ruhuangacaman, Dios-huan tupana huasi ñaupapi cantaccuna carca. Chai quipaca, paicuna imata ruhuana cashca shinallatacmi Diospacta ruhuarcacuna.

ECLESIASTÉS 12:9

Huillac runaca ashtahuan yachacushpaca ashtahuanmi gentecunata yachachirca. Shinallatac allita uyashpa ima shina cashcata ricushpami tauca yuyachic rimaicunata quillcarca.

ISAÍAS 44:7

¿Pitac ñuca shinaca tiyan? ¡Maijan tiyacpica, shayarishpa huillachun! ¡Gentecuna causai callarishcamanta pacha ima tucushcata huillachun! ¡Quipa punzha ima tucunatapish callarishpa ñuca ñaupapi huillachun! ¡Quipa punzha ima tucunatapish shayarishpa huillachun!

LEVÍTICO 14:42

Rumicunata llucchishpaca, shuctac rumicunatami churanga. Pirca quingraita aspishcataca turuhuan llutanga.

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

HECHOS 2:11

Shinallatac Creta llactamanta, Arabia llactamantami caipi canchic. Dios mancharinata ruhuashcataca, tucui shamuccunami quiquin rimaipi uyacunchic— ninacurca.

HECHOS 27:12

Tamya quillacunata chaipi cana mana alli cacpimi, tucui mashna Creta islapi cac Fenice puebloman ima shinapish chayanata yuyarinacurca. Chai pueblopica janamanta, huaira shamushpapish, mana imata ruhuacchu carca. Chaimantami tamya quillacunata chaipi canata munarca.

HECHOS 27:13

Uramanta ashalla huaira tiyacpimi, ña rinalla cashcata yuyashpa, anclacunata tandashpa, ri callarircanchic. Chashna rishpaca, Creta llacta cuchullatami rircanchic.

HECHOS 27:21

Unaita mana micushca cacpimi, Pabloca tucuipac chaupipi shayarishpaca: —Tucui caipi caccuna, ñuca nishcata uyashca cashpaca, Creta islamanta mana shamunchicmanchu carca. Mana llaquita apanchicmanchu carca. Imatapish mana shitanchicmanchu carca.

HECHOS 27:7

Huaira ñaupamanta jarcacucpimi, allimantalla tauca punzhacunata rircanchic. Chashnami llaquita apashpa, tauca punzhacunapi Gnido pueblo chimba ladoman chayarcanchic. Huaira ashtahuan jarcacpimi, Salmón allpa ladota rishpa, Creta islata muyugrircanchic.

1 CORINTIOS 11:34

Maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

1 CORINTIOS 14:40

Ashtahuanpish imata ruhuashpapish, allita ruhuaichic. Ama maipish cachun ruhuaichicchu.

1 CORINTIOS 4:17

Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuc-huan shuc shinalla cashcata yachashpami cushicuni.

1 TIMOTEO 1:3

Macedonia llactaman ñuca rishpaca, Efeso pueblopi can saquirishpa, chaipi pandata yachachiccuna ama yachachishpa catichun,

2 TIMOTEO 2:2

Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.

TITO 1:12

Creta llactapi causaccunapuramanta shuc huillacca: «Cretapi causaccunaca llullaccuna, sachapi causac animalcuna shina, imata mana ruhuasha nic, micunallata munaccunami» nircami.