SOFONÍAS 3:20 - Dios Rimashcata Quillcashcami

²⁰ Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

SOFONÍAS 3:20 ပူးပေါင်းရင်းမြစ်များ

SALMOS 35:6

Paicunapac ñanca amsayashca lluchcarinalla cachun. Mandac Diospac ángel paicunata cati rishpa llaquichichun.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 56:8

Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

ISAÍAS 60:15

Shitashca pamba, pipish mana ricunayachishca, pipish mana purinata munashca cacpipish, ñucami cantaca huiñai huiñaita alli nishca cachun ruhuasha. Tucui quipa huiñaicuna cushicushpa causanatami ruhuasha.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

ISAÍAS 62:12

Paicunataca “Mandac Dios quishpichishca, jucha illac gentecuna” nincunami. Can Jerusalentapish “Dios cuyashpa, mana shitashca llacta” ningacunami.

ISAÍAS 62:7

¡Jerusalenta cutin shayachishpa, cai pachapi causaccunapac alli nishca ningacaman ama samaringuichicchu!

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

JEREMÍAS 29:14

Cancunaca taringuichicmi. Prezumanta cutichimushpami, ñuca llucchishpa cachashcacunataca tucui llactacunamanta tandachisha. Maimanta ñuca llucchishpa cachashca pushtullamantacmi cutichimusha. Chaitaca Mandac Dios ñucami nini.

JEREMÍAS 30:3

Ñuca acllashca israelpuramanta, Judá llactapi causacpuramanta prezu apashcacunata cutichimuna punzhami chayamucun. Paicunapac ñaupa taitacunaman ñuca cushca llactamanmi pushamusha. Chaipimi causanga. Chaitaca Mandac Dios ñucami nini» nirca.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

EZEQUIEL 16:53

Ñucami prezu apashcacunataca cutichimusha. Cambac huahuacunatapish, Sodomatapish, Samariatapish paicunapac huahuacunandimi cutichimusha.

EZEQUIEL 28:25

Mandac Diosca: Ñucaca shuctac gentecunapac chaupipi causacuc israelcunataca tandachishami. Chashna ruhuashpami, llactapi causaccunapac ñaupapica jucha illac cashcata ricuchisha. Israelcunaca paicunapac llactapimi causanga. Chai llactataca ñucata servic Jacobomanmi curcani.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 37:12

Chaimanta paicunaman huillashpaca, Mandac Diosca: Ñuca acllashcacunalla, cancunataca enterrashca jutcucunata pascashpa, llucchishpami Israel llactaman pushamusha.

EZEQUIEL 37:21

“Mandac Diosca: Shuctac llactaman rishca tucui israelcunatami tandachishpa, paicunapac llactallaman cutichimusha.

EZEQUIEL 39:13

Tucui chai llactapi causaccunami huañushcacunataca enterracunga. Ñucata sumacyachina punzhaca paicunapacca shuc yuyarina punzhami canga. Chaitaca Mandac Dios ñucami nini.

EZEQUIEL 39:28

Shuctac llactacunaman prezu cachashpapish quipataca tucuita tandachishpami paicunapac llactallapitac causachun churasha. Shina ruhuacpimi, ñucataca Mandac Dios cashcata yachangacuna.

JOEL 3:1

Mandac Diosca: «Chai punzhacunapi, chai huatacunapica, Judá llactamanta, Jerusalenmanta prezu apashcacunata

AMÓS 9:14

Ñuca acllashca israelcuna prezumanta cutichimushami. Paicuna cutichimucpimi, urmashca llactacunata allichishpa causanga. Paicunaca uvasta tarpushpaca vinota ubiangacunami. Huerta ruhuashpaca, chaipi pucushca micungami.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

MIQUEAS 4:7

Shina tandachishpami, suchucunamantaca jatun llactata ruhuasha. Chingarishcacunamantaca sinchi llactatami ruhuasha. Mandac Dios ñucami chai punzhamanta pacha paicunataca Sión urcupica huiñaita mandasha.

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

SOFONÍAS 3:19

Chai huatapica cancunata tucui llaquichiccunatami llaquichisha. Shinallatac suchucunataca quishpichishami. Chingarishca oveja shina puriccunatapish tandachishami. Cancunata pingaichishca llactacunapica tucuipac alli nishca, tucuipac ricsishcatami ruhuasha.

ZACARÍAS 8:13

Judá llactapi causaccunalla, israelcunalla, shuctac llactacunapac mana alli nishcami causarcanguichic. Shina cacpipish, chai llaquimanta quishpichishpami bendiciasha. ¡Ama manchaichicchu! ¡Cushicuichic!

ZACARÍAS 8:8

Chashnami Jerusalén chaupipi causachun churasha. Paicunaca ñuca acllashcacunami canga. Ñucapish paicunapacca cashcata nic, cashcata ruhuac Diosmi casha» ninmi.

MALAQUÍAS 3:12

Chashna ruhuacpi, sumac llacta cacpimi, tucui llactapi causaccunaca: “Cushillami paicunaca causacun ningacuna” ninmi. Chaitaca tucuita Mandac Dios ñucami nini.

DEUTERONOMIO 26:18

Mandac Dios pai munashca shina, cancunata rimashpaca: “Ñucapaclla acllashcami canguichic” nishcami. Tucui pai mandashcacunata cazuchunmi chashna acllashca.

DEUTERONOMIO 26:19

Cancunataca tucui pai ruhuashca llactacunamanta ashtahuan yalli cachun, tucuipac ricsishca, tucuipac alli nishca llacta cachunmi Mandac Diosca pai munashca shina acllashca ninguichic» nirca.