SOFONÍAS 3:18 - Dios Rimashcata Quillcashcami

¹⁸ Mandac Diosca: «Cancunapuramanta unai huatata llaquirishpa causaccunataca tandachishami. Paicunata pingaichiccunaca mana tiyanchu.

SOFONÍAS 3:18 ပူးပေါင်းရင်းမြစ်များ

SALMOS 43:3

Cambac achiclla luztapish, cashcata rimanatapish cuiyari. Chaicunami cambaclla urcuman, can causacuc huasiman pushanga.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

LAMENTACIONES 1:4

Sión fiestaman pipish mana ricpimi, chaiman rina ñancunapish llaquilla siricun. Pungucunapish shitashcami siricun. Curacunapish, solteracunapish llaquihuanmi yallita huacacun.

LAMENTACIONES 1:7

Jerusalenpi causaccunata prezu apacucpi mana ayudarcachu. Chaimantami ñaupa punzhacunapi sumacta causacushcata yuyarishpa, llaquilla tucuncuna. Chaita paicunata piñaccuna ricushpaca asircacunami.

EZEQUIEL 34:13

Shuctac llactamanta tandachimushpami paicunapac quiquin llactaman pushamusha. Chashna pushamushpami Israel urcucunapi, jatun yacu patacunapi, gentecuna causana pambacunapi michisha.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

OSEAS 9:5

Mandac Diospac fiesta punzhapi, mana cashpaca shuctac fiesta punzhapica, ¿imatac paicunaca ruhuancuna?

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.