SOFONÍAS 3:14 - Dios Rimashcata Quillcashcami

¹⁴ ¡Sionpi causaccunalla, cantaichicyari! ¡Israelcunalla, cushicushpa caparichicyari! ¡Jerusalenpi causaccunalla, tucui shunguhuan yallita cushicuichicyari!

SOFONÍAS 3:14 ပူးပေါင်းရင်းမြစ်များ

NEHEMÍAS 12:43

Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

SALMOS 149:2

Israelcuna, cancunata ruhuac Dios-huan cushicuichicyari. Sión pueblopi causaccunapish cancunata jatun Mandac-huan cushicuichicyari.

SALMOS 97:8

Sionpi causaccunaca chaita uyashpami cushicurca. Judá llactapi cac pueblocunapi causaccunapish, can chashna llaquichishcamantami yallita cushicurca.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 35:2

Chashna sisashpami cushicushpa cantanga. Líbano urcuta shina, Carmelo urcuta shina, Sarón pambata shinami Mandac Diosca sumacta ruhuanga. Paicunaca Mandac Dios sumaimana cashcatapish, paipac achic nicuctami ricunga.

ISAÍAS 37:22

Chaimantami Mandac Diosca chai jatun mandactaca: “Carihuan manarac chayarishca soltera shina Sión llactalla burlashpa asishcami cangui. Jerusalenpi causaccunaca can cutishpa callpacpica, umata cuyuchishpami asinga.

ISAÍAS 40:1

Mandac Diosca: «¡Ñuca acllashcacunata cushichichic, cushichichic!

ISAÍAS 40:9

Alli huillaita huillac Sión urculla, jatun lomaman huichai riyari. Alli huillaita huillac Jerusalén llactalla, sinchita caparishpa huillaiyari. Judá llactapi tiyac llactacunapi causaccunata sinchita caparishpa: «¡Cancunapac Diosta ricuichic. Paica caipimi!» nichicyari.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

ISAÍAS 54:1

Mandac Diosca: «¡Jaicapi mana sajuaric huarmilla cushicuiyari! Jaicapi sajuarina nanaita mana ricsic huarmilla, cushicuihuan caparishpa cantaiyari. Cusa shitashca huarmimi cusayuc huarmita atishpa, ashtahuan achca huahuacunata charin.

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

JEREMÍAS 31:13

Carihuan mana chayarishca solteraca mosocunahuan, yuyaccunahuanmi danzashpa cushicungami. Huacanapac randica cushicungami. Nanaihuan canapac randica samaringami.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

MIQUEAS 4:8

Ovejacuna shayana jatun torre shina Jerusalenlla, Sionpi causaccunapac sinchi torre shinami cangui. Utcapi shinallatacmi Jerusalenpi causaccunataca mandangui» ninmi.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.