SOFONÍAS 1:18 - Dios Rimashcata Quillcashcami

¹⁸ Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SOFONÍAS 1:18 ပူးပေါင်းရင်းမြစ်များ

GÉNESIS 6:7

Chaimanmi Mandac Diosca: «Cai pachapi causac ñuca ruhuashcacunataca runamanta callarishpa, sacha animalcunacaman, pambata aisarishpa puric animalcunacaman, jahuata volac animalcunacamanmi tucuchigrini. Paicunataca pandachari ruhuarcani» nirca.

1 REYES 14:22

Judá llactapi causaccunaca Mandac Diospac ñaupapi paicunapac ñaupa taitacuna tucui juchata ruhuashcatapish, ashtahuan yalli mana allita ruhuashpami yallita piñachircacuna.

JOB 21:30

‘Millaita ruhuac runaca llaqui punzhapica mana ima tucungachu. Dios piñaric punzhaca huacaichishcami canga’ nishcataca, ¿manachu yuyaringuichic?

JOB 3:15

Mana cashpaca curita charic mandaccunahuan, cullquita huasipi jundachic runacunahuanmi samaricuiman carcani.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 18:11

Chayuc runapac charishcaca muyundita pircashca pueblo shinami. Paipac yuyaipica jahuacaman jatunta pircashca shinami.

ISAÍAS 1:24

Chaimantami israelcunata sinchiyachic Mandac Diosca: «¡Ña chailla! ¡Cunanca ñucata piñaccunata llaquichishpatacmi cushicusha! Ñucata mana ricunayachiccunataca paicuna mana allita ruhuashca shinallatacmi llaquichisha.

ISAÍAS 10:17

Israelcunapac luzca ninami tucunga. Jucha illac Diosca rupacuc ninami tucunga. Chashnami shuc punzhallapi cardoscunata, cashacunata rupachic shina tucuchinga.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

JEREMÍAS 7:20

Ñucaca yallita piñarishpami, cai llactata llaquichigrini. Runacunatapish, animalcunatapish, pambapi shayacuc yuracunatapish, allpapi pucushca granocunatapish mana huañuc ninahuami llaquichigrini» ninmi.

JEREMÍAS 7:34

Judá llactapi tiyac llactacunapipish, Jerusalén ñancunapipish cushicushpa yallita asinapish mana tiyangachu. Shinallatac noviocuna, noviacuna cushicushpa asinapish mana tiyangachu. Tucui llactacunami llaquinayaita tucuchishca canga» ninmi.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

EZEQUIEL 16:38

Cantaca huainayac huarmicunata, huañuchiccunata ima shina llaquichinata mandashca shinami taripashpa llaquichisha. Cantaca ñucapaclla causachun munashpami, yallita piñarishpa llaquichisha.

EZEQUIEL 23:25

Ñuca yallita piñarishpami, cantaca yallita llaquichisha. Chashnami gentecunaca yallita piñarishpa cantaca llaquichinga. Cambac singatapish, ringritapish pitingami. Cutin cambac huahua huahuacunataca espadahuanmi huañuchinga. Cambac cari huahuacunatapish, huarmi huahuacunatapish apangami. Maijan saquirishcacunataca ninami tucuchinga.

EZEQUIEL 7:11

Millaita ruhuanaca yuracuna huiñac shinami mirashca. Paicunaca achca cashpapish, shucllapish mana saquirishpami tucui tucuringa. Ima charishcapish tucuimi chingaringa.

EZEQUIEL 7:19

Paicunapac cullquitapish ñancunapimi shitanga. Curica imapac mana valic millanami tucunga. Mandac Dios ñuca piñarishca punzhapica paicunapac cullquipish, curipish mana quishpichingachu. Yarcaipish mana anchuringachu, micucpipish, huicsapica mana jundangachu. Cullquipish, curipish mitcachic shinami, millaita ruhuachirca.

EZEQUIEL 7:5

Mandac Dios rimashpaca: «¡Riquichic, jatun llaquimi catipi, catipi chayamugrin!

SOFONÍAS 1:11

Mactes pambapi causaccunalla, caparishpa huacaichicyari. Catuccunapish, randiccunapish, cullquita cambiaccunapish tucuchishcami canga.

SOFONÍAS 1:15

Dios piñarishpa tucuchi punzhaca llaqui, huacai, nanai, caparinacui, punzhami canga. Chai punzhaca pura tuta, puyuhuan tapashca amsami canga.

SOFONÍAS 2:2

Cancunata llaquichina punzha manarac pactacpi, Mandac Dios piñarishpa llaquichina punzha manarac pactacpi, chingariclla tamo shina manarac tucushpa llaquirichicyari.

SOFONÍAS 3:8

Chaimanta llaquichina punzha chayangacaman shuyaichic. Ñucaca tucui llactacunata tandachingapac, jatun mandaccuna mandana llactacunata nina japiric shina llaquichinatami yuyarircani. Chaimantami nina japiric shina piñarishpa, tucui cai pachata tucuchisha. Chaitaca Mandac Dios ñucami nini.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

DEUTERONOMIO 31:17

Chaimantami chai punzhapica paicunahuanca nina japiric shina piñarisha. Paicunata saquishpa, mana tigra ricucpimi tucuringa. Paicunataca achca llaquicuna, manchaicunami japinga. Chai llaquicunahuan cashpami: “¿Manachu chai llaquicunaca ñucanchic Dios mana ñucanchic-huan cacpi japicunga?” ninga.