SOFONÍAS 1:13 - Dios Rimashcata Quillcashcami

¹³ Chaimantami paicunapac charishcacunatapish shuhuashpa, huasicunatapish llaquinayaitami tucuchinga. Huasicunata shayachishpapish, mana causangacunachu. Uvasta tarpushpapish, vinota mana ubiangacunachu» ninmi.

SOFONÍAS 1:13 ပူးပေါင်းရင်းမြစ်များ

ISAÍAS 6:11

Shina nicpimi ñucaca: —Mandac Dioslla, ¿ima horacamantac chashna canguiyari?— nircani. Shina nicpimi paica: —Tucui llacta tucuricpi, shucllapish mana saquiringacaman, huasicunapi shuc runallapish mana tiyangacaman, allpacunapish shitashca saquiringacaman,

JEREMÍAS 15:13

Cancunapac juchacunamantami cancunapac llactapi ima tiyashcacunatapish, sumac charinacunatapish shuhuaccunaman yanga cushpa cusha.

JEREMÍAS 17:3

jahua urcu pambacunapi tiyac altarcunatami yuyarin. Chashna juchata ruhuashcamantami cancunapac ima charishcacunatapish, ima sumaccunatapish shuhuaccuna apachun saquisha.

JEREMÍAS 4:20

Yalli llaquicuna shamucushcataca catintami huillan. Tucui llactacunami tucuchishca. ¡Cungaillami ñuca carpa huasicunatapish, cortinatapish lliquishpami tucuchincuna!

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

JEREMÍAS 9:19

Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

LAMENTACIONES 5:2

Ñucanchic allpataca mana ricsishca gentecunami japishca. Huasicunataca shuctac llacta gentecunami charicun.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

EZEQUIEL 7:19

Paicunapac cullquitapish ñancunapimi shitanga. Curica imapac mana valic millanami tucunga. Mandac Dios ñuca piñarishca punzhapica paicunapac cullquipish, curipish mana quishpichingachu. Yarcaipish mana anchuringachu, micucpipish, huicsapica mana jundangachu. Cullquipish, curipish mitcachic shinami, millaita ruhuachirca.

EZEQUIEL 7:21

Paicunapac charishcacunatapish mana ricsishca gentecuna shuhuachunmi saquircani. Ñucata mana manchac gentecuna quichuchunmi saquircani.

EZEQUIEL 7:24

Paicunapac huasicunata quichuchunca, millai shuctac llacta gentecunatami pushamusha. Chashnami jatun tucushca gentecunataca chingachisha, paicunapac ruhuashcalla dioscunapac huasicunatapish yangatami ruhuasha.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

MIQUEAS 6:15

Tarpushpapish mana cosechanguichu. Olivos granota cutashpapish, chai aceitehuanca mana cahuiringuichu. Uvasta capishpapish vinotaca mana ubianguichu.

SOFONÍAS 1:9

Chai punzhallatacmi pungu jahuata saltashpa pasaccunatapish, paicunapac amocunapac huasicunapi shuhuashpa jundachiccunatapish, umaccunatapish llaquichisha» ninmi.

DEUTERONOMIO 28:30

Cancunahuan cazarangapac ari nishca huarmihuanpish shuc carimi sueñunga. Huasita shayachishpapish, mana causanguichicchu. Uvasta tarpushpapish mana pallanguichicchu.

DEUTERONOMIO 28:39

Uvasta tarpushpapish, jallmashpapish curucuna micucpimi, mana pallanguichic, shinallatac vinotapish mana ubianguichicchu.

DEUTERONOMIO 28:51

Paicunaca cancuna tucuringacamanmi cancunapac animalcuna mirashcatapish, allpapi pucushcatapish tucui micunga. Cancuna huañushpa tucuringacamanmi allpapi tucui pucushcatapish, animalcuna mirashcatapish tucui micunga. Shinami cancuna tucuringacaman trigotapish, mushuc vinotapish, aceitetapish, ovejacuna mirashcatapish, vacacuna mirashcatapish mana saquinga.