SANTIAGO 5:7 - Dios Rimashcata Quillcashcami

⁷ Cuyashca criccuna, mana piñarishpa Apunchic Jesús cutimungacaman shuyaichiclla. Allpapi tarpuc runaca mana piñarishpami tamyatapish granota tandana punzhatapish shuyacunlla.

Nuevo Testamento en Quichua Cañar 1996

⁷ C'uyashca criccuna, japina yuyaihuan Apunchic Jesús cutimungacaman shuyaichiclla. Allpapi tarpuc runaca sumac granota tandangapacca, japina yuyaihuanmi tamia punzha chayangacaman shuyacunlla.

SANTIAGO 5:7 ပူးပေါင်းရင်းမြစ်များ

JEREMÍAS 5:24

Paicunapac shungupica: “Mandac Diosta manchashpa causashunchic. Paimi punta tamyatapish, chagrata pucuchic tamyatapish chai punzhacunapi cachan. Cosechana tiyachunpish paillatacmi usyai punzhacunata cachan” mana nincunachu.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

ZACARÍAS 10:1

Quipa tamyata cachachun Mandac Diosta mañaichicyari. Mandac Diosmi relampahuan yallita tamyachishpa, verdinlla chagracunatapish, quihuacunatapish huiñachinga.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 24:27

Chaica, Runa Tucungapac shamushca ñuca cutimuna punzhaca, inti llucshic ladomanta, inti tigrana ladocaman relampa achicyachic shinami canga.

SAN MATEO 24:44

Runa Tucungapac shamushca ñucaca, cancuna mana yuyashca horasmi chayamusha. Chaimanta allichirishpa shuyacuichic.

SAN LUCAS 18:8

Ñucaca ninimi: Diosca utcami paicunamanca allita ruhuanga. Ashtahuanpish Runa Tucungapac shamushca ñuca cutimucpica, ¿chashna criccunaca cai pachapica tiyangachu?» nirca.

SAN LUCAS 21:27

Chashna tucucpica, Runa Tucungapac shamushca ñuca poderhuan, sumaimana achiclla cashcahuan achicyachishpa, puyupi shamucuctami ricunga.

SAN LUCAS 8:15

Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata catilla— nirca.

SAN JUAN 21:23

Chaimantami Jesusta caticcunapurapica: “Chai yachacucca jaicapi mana huañungachu” nishpa parlanacui tiyarca. Jesusca mana chai yachacuc huañunamantachu nicurca, ashtahuanpish: “Ñuca cutimungacaman paita causacuchunlla nicpipish, ¿canmanca imatac curinyari?” nishcami carca.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

GÁLATAS 5:5

Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Dios-huan alli tucuna yuyaillami canchic.

GÁLATAS 6:9

Chaimanta ima allita ruhuanataca mana shaicushunchic. Allita ruhuashpa causashpaca, japina punzha chayamucpica allitami japishun.

DEUTERONOMIO 11:14

punta tamyatapish, quipa tamyatapish cachangami. Chaimantami granotapish, vinotapish, aceitetapish japinguichic.

COLOSENSES 1:11

Dios paipac sumaimana poderhuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish mana piñarishpa,

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

1 TESALONICENSES 2:19

Apunchic Jesús cutimui punzhapi, paipac ñaupapica, ¿pimantatac cushicushun? ¿Pimantatac alli nishca cashun? Shinallatac ¿pimantatac cushicushpa shuyacushcata japishun? Chaitaca cancunamantami japishun.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

HEBREOS 6:15

Abrahamca cushicushpa piñarishpa, shuyacushpami, Dios cusha nishcataca chasquirca.

SANTIAGO 4:11

Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

SANTIAGO 5:10

Cuyashca criccuna, Diosmanta ñaupa huillaccuna Dios ima nishcata huillashpa, alli shunguhuan mana piñarishpa llaquita apashcata yuyarichic.

SANTIAGO 5:3

Cancuna charishca curipish, cullquipish mujusyashcami. Chai mujusyashcallatacmi, cancuna mana alli cashcataca ricuchishpa, nina shina llaquichinga. Cancunaca cai tucuri punzhacunapami, charinacunataca yallita tandachishcanguichic.

2 PEDRO 3:4

«Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.