SANTIAGO 5:6 - Dios Rimashcata Quillcashcami

⁶ Mana cariyacpac gentecunatami, cancunaca juchanchishpa huañuchishcanguichic.

Nuevo Testamento en Quichua Cañar 1996

⁶ Mana juchanchipac gentecunatami, cancunaca juchanchishpa huañuchishcanguichic. Paicunaca mana c'ariyarcachu.

SANTIAGO 5:6 ပူးပေါင်းရင်းမြစ်များ

ISAÍAS 5:23

Paicunaca cullquita pacalla japishpami, mana allita ruhuaccunataca cashcata ruhuacmi nincuna. Chashna ruhuashpami, cashcata ruhuac runa japinataca quichun.

ISAÍAS 53:7

Paica yallita llaquichishca, cumurichishca cashpapish imata mana nircachu. Pactalla oveja shinami, huañuchina pushtuman apashca carca. Paica rutuccunapac ñaupapi oveja siricuc shinami, upalla carca.

SAN MATEO 21:38

Ashtahuanpish churi shamucucta chai chagrahuan saquiric runacuna ricushpaca “Paimi taita charishcataca japinga. Paipac randi ñucanchic japingapac huañuchishunchic” ninacurcami.

SAN MATEO 27:20

Utcamanmi curacunata mandac curacunapish, pushac yuyaccunapish gentecunataca: “Barrabasta cacharichun, Jesustaca chacatachun ninguichic” nishca carca.

SAN MATEO 5:39

Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

HECHOS 22:14

Chaipimi paica: “Ñucanchic ñaupa taitacunata Mandac Diosmi, pai munashcata yachachun, pai cachashca Jucha Illac Cristota ricuchun, pai rimashcatapish uyachunmi, cantaca ñaupaman acllashca.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

HECHOS 8:32

Pai rezacushca Dios quillcachishcaca: «Paitaca maltón ovejata shinami huañuchingapac aparca. Ovejata rutucucpi, upalla cac shinami, paica upalla carca.

HEBREOS 10:38

Cashcata ruhuacca crishcallamantami causanga. Ashtahuanpish mana catictaca piñashami» ninmi.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?

SANTIAGO 4:2

Cancunaca imata japishun nishpapish, shuccuna ama charichun nishpa huañuchishpapish, shuccuna shina casha nishpapish mana japinguichicchu. Piñanacushpami macanacunguichic. Diosman mana mañashcamantami, ima munashcataca mana japinguichic.

1 PEDRO 4:18

Dios quillcachishcapica: «Cashcata ruhuacpish jarca jarcallami quishpirin. Chashna cacpica, millaita ruhuashpa juchalliccarin, ¿imachari tucunga?» ninmi.