SANTIAGO 5:19 - Dios Rimashcata Quillcashcami

¹⁹ Ñuca cuyashca criccuna, cancunapuramanta maijanpish cashcata nic huillashcata saquishpa, pandarishpa puricucpi, maijan cunashpa, Diosman tigrachishpaca,

Nuevo Testamento en Quichua Cañar 1996

¹⁹ Ñuca c'uyashca criccuna, cancunapuramanta maijanpish cashcata nic huillashcata saquishpa, pandarishpa puricucpi, maijan cunashpa, Diosman tigrachishpaca,

SANTIAGO 5:19 ပူးပေါင်းရင်းမြစ်များ

SALMOS 119:118

Can mandashcacunata mana cazuccunataca millanayachinguimi. Paicunaca yangallatami yuyashpa causan.

SALMOS 119:21

Jatun tucushcacunataca llaquichircanguimi. ¡Can mandashcacunamanta anchuricca llaquichishca cachun!

PROVERBIOS 19:27

Ñuca churilla, alli yuyaicunata cushcata mana uyashpaca, alli yachaimantami caruyacungui.

ISAÍAS 3:12

Ñuca acllashca llactalla, paitaca huambracunami llaquichicun. Paicunami mandacun. Ñuca acllashca llactalla, cantaca mandaccunami pandata yachachishpa, mana alli pushacun.

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

EZEQUIEL 34:4

Irquiyashca ovejacunatapish mana sinchiyachinguichicchu, ungushcacunatapish mana jambinguichicchu. Chaqui paquicunatapish mana huatachinguichicchu, caita chaita rishca ovejacunatapish mana corralman tandachimunguichicchu. Chingarishca ovejacunatapish mana mashcanguichicchu. Ashtahuanpish yallita llaquichishpami mandashpa charinguichic.

SAN MATEO 18:15

Maijan cric canta llaquichishpa juchallicpica, paillata cayashpa, paillahuan rimangui. Pai can rimashcata uyashpaca, cutinllatacmi Diospacman cutinga.

SAN LUCAS 22:32

Chashna cacpipish, can sinchi cric cachunmi ñucaca Diosta mañarcani. Can ñucaman cutirishpaca, ñucata caticcunamanpish ñucata catichun alli yuyaita cungui— nirca.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

1 TIMOTEO 6:21

Chai yachachishcacunata catishpami, maijancunaca crishcata saquishcacuna. Diosca paipac sumaimana cuyaita canman cushca cachun ninimi.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

HEBREOS 5:2

Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

SANTIAGO 1:16

Ñuca cuyashca criccuna, ama pandarichicchu.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

SANTIAGO 3:14

Shina cashpapish shuccuna shina casha nishpa shungupi canirishpa, quiquinlla imata ruhuashpaca ama ñucaca yachacmi cani nichicchu, shinallatac, cashcata nic huillashcatapish mana cazucunguichicchu.

SANTIAGO 5:20

chai pandarishpa causacuc juchayuc almata huañuimanta quishpichinmi. Shinallatac Diosca achca juchacunatapish perdonangami. Chaitaca yuyarinami canguichic.

2 PEDRO 3:17

Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.