SANTIAGO 5:17 - Dios Rimashcata Quillcashcami

¹⁷ Diosmanta ñaupa huillac Eliasca ñucanchic shinallatacmi carca. Pai ama tamyachun nishpa, crishpa Diosta mañacpica, quimsa huata chaupitami mana tamyarca.

Nuevo Testamento en Quichua Cañar 1996

¹⁷ Diosmanta ñaupa huillac Eliasca ñucanchic shinallatacmi carca. Pai ama tamiachun nishpa, Diosman mañaracpica, quimsa huata chaupitami mana tamiarca.

SANTIAGO 5:17 ပူးပေါင်းရင်းမြစ်များ

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:1

Ña quimsa huata tucucpimi, Mandac Diosca Eliasta rimashpaca: «Acabpac ñaupapi ricurigri. Ñucaca cai pachapi tamyachigrinimi» nirca.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

HECHOS 10:26

Chaimantami Pedroca: —Shayari, ñucapish can shina runallami cani— nishpa jatarichirca.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

ROMANOS 11:2

Ñaupamanta pachami Diosca israelcunataca acllarca. Ashtahuanpish mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica, israelcunata juchanchishpa, Diosta mañacushpaca:

APOCALIPSIS 11:6

Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.