SANTIAGO 5:16 - Dios Rimashcata Quillcashcami

¹⁶ Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

Nuevo Testamento en Quichua Cañar 1996

¹⁶ Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

SANTIAGO 5:16 ပူးပေါင်းရင်းမြစ်များ

GÉNESIS 19:29

Chashna chai pueblocunata, pambacunata tucuchishpapish Diosca Abrahamta yuyarishpami, Lotta chingarigricuc pueblomanta llucchishpa quishpichirca.

GÉNESIS 20:17

Chaimantami Abrahamca Abimelecmantapish, paipac huarmimantapish, paita servic huarmicunamantapish Diosta mañarca. Chashna mañacpica alliyarcami, shinallatac huarmicunaca cutinllatac huahuacunayuc tucurcami.

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

2 SAMUEL 19:19

jatun mandactaca: —Can jatun mandac Jerusalenmanta llucshicucpi, canta servic ñuca mana allita ruhuashcata perdonangui. Ama yuyaringuichu. Cai ñuca piñachishcataca ama shungupi huacaichishpa charinguichu.

1 REYES 13:6

Chaimantami jatun mandacca Diospaclla runataca: —Ñuca maqui alli tucuchun, canta Mandac Diosta ñucamanta mañai— nirca. Shina nicpimi, Diospaclla runaca Mandac Diosta mañarca. Shina mañacpimi, jatun mandacpac maquica alli tucushpa, utcapi cashca shinallatac saquirirca.

2 CRÓNICAS 30:20

Ezequías mañashcata Mandac Dios uyashpaca gentecunata alliyachircami.

JOB 42:8

Cunanca canchis becita, canchis carnero ovejata cancunamanta ñucaman cushpa, tucui rupachichun ñucata servic Jobman cugrichic. Ñucata servic Jobmi cancunamanta ñucata mañanga. Pai mañashcatami ñucaca uyasha. Pai mañacllapimi, cancunataca ñucamanta mana allita huillashca cacpipish, mana yallita llaquichisha. Cancunaca ñucata servic Job shinaca mana huillarcanguichicchu» nirca.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

ÉXODO 17:11

Chaipica, Moisés maquita alzacpica, israelcunami macanacushpa ati callarirca. Cutin maquita urai churacpica, amalecitacunami ati callarirca.

ÉXODO 9:33

Moisés Faraonpacmanta rishpa, chaimanta llucchishpaca maquita alzashpami, Mandac Diosta mañarca. Shina mañacpica, relampapish, rundupish, tamyapish ña mana ashtahuan umarcachu.

PROVERBIOS 15:29

Mandac Diosca paita mana manchaccunamanta carupimi. Ashtahuanpish cashcata ruhuaccuna mañacpica uyanmi.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 33:3

Ñucata caparishpa mañailla, ñucaca uyashallami. Can mana yachashca, pacalla tiyacuc jatun yachaicunatami yachachisha.

JEREMÍAS 42:2

Dios ima nishcata huillac Jeremiaspacman shamurca. Paicunaca: —Ñucanchic mañashcata uyaiyari. Ñucanchicmantapish, maijan saquirishca gentecunamantapish Mandac Diosta mañaiyari. Ñucanchicca achca cashpapish ashallami saquirishcanchic. Chaitaca canllatac ricunguimi.

NÚMEROS 11:2

Chaimantami israelcunaca Moisesta caparishpa mañarca. Shina mañacpi, Moisés paicunamanta Mandac Diosta mañacpica, ninaca huañurcami.

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

MARCOS 1:5

Chashna huillacucpimi, tucui Jerusalén pueblomantapish, Judea llactamantapish pai huillashcata uyangapac shamurca. Juanca paicuna llaquirishpa, juchacunata huillacpimi, Jordán yacupi bautizarca.

SAN LUCAS 9:6

Chashnami yachacuccunaca tucui llactacunata alli huillaita huillashpa, ungushcacunata alliyachishpa puricurca.

SAN JUAN 9:31

Diosta mana cazuccuna mañashcata mana uyac cashcataca allimi yachanchic. Ashtahuanpish paita manchacta, pai munashcata ruhuac mañashcataca uyanmi.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 19:18

Tauca criccunami paicuna manarac crishpa, mana allita ruhuashcacunata llaquirishpa, tucuipac ñaupapi huillarca.

HECHOS 8:24

Chashna nicpimi Simonca: —Can nishca shina ama pactachun, Mandac Diosta ñucamanta mañaichic— nirca.

ROMANOS 3:10

Dios quillcachishcapica: «Cashcata ruhuacca shucllapish mana tiyanchu.

ROMANOS 5:19

Ima shinami shuc runa mana cazushcamanta, tucui gentecuna juchayuc tucurca. Chai shinallatacmi shuc runa cazushcamanta, tucui gentecunata Diosca chasquinga.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

1 TESALONICENSES 5:17

Punzhanta Diosta mañaichic.

1 TESALONICENSES 5:23

Cushi causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca jucha illac, pi mana juchanchipacta ruhuashpa huacaichichun.

1 TESALONICENSES 5:25

Cuyashca criccuna, ñucanchicmanta Diosta mañaichic.

HEBREOS 11:4

Crishcamantami Abelca Cainta atishpa, alli ofrendata Diosman cushpa rupachirca. Chaimantami Diosca Abeltapish, pai cushcatapish chasquirca. Abel huañushca cacpipish, pai crishcamantaca huillacuncunami.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

HEBREOS 13:18

Ñucanchicmanta Diosta mañaichic. Imapish alli cachunmi allita pushana yuyailla, pipacpish mana juchanchishca cashcata yachanchic.

JOSUÉ 10:12

Amorreocunata israelcunapac maquipi Mandac Dios churai punzhapi, Josué Mandac Diosta israelcunapac ñaupapi alli nishpaca: «¡Intilla, Gabaón pueblopi shayariyari! ¡Quillalla, Ajalón pugru pambapi shayariyari!» nirca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

1 SAMUEL 1:12

Mandac Diospac ñaupapi Ana ña unaita mañacucpimi, Elica paipac shimita ricucurca.

1 SAMUEL 12:17

Cunanca mana tamya punzhacunachu, ashtahuanpish trigota cosechana punzhacunami. Shina cacpipish, ñucaca Mandac Dios tamyachichunmi mañagrini. Paica relampatapish, tamyatapish yallitami cachanga. Chaita ricushpami, cancunaca shuctac jatun mandacta munanchic nishpa Mandac Diospac ñaupapi yalli mana allita ruhuashcata yachanguichic— nirca.

1 SAMUEL 12:18

Shina nishca quipami Mandac Diosta caparishpa Samuel mañacpica, Mandac Diosca relampatapish, tamyatapish chai punzhapica yallita cacharca. Shina ruhuacpimi Mandac Diostapish, Samueltapish tucui gentecuna yallita mancharca.