SANTIAGO 5:14 - Dios Rimashcata Quillcashcami

¹⁴ Maijanpish ungushca cashpaca, Apunchic Jesuspac shutipi aceiteta churashpa Diosta mañachun, tandanacushca criccunata pushaccunata cayac cachachun.

Nuevo Testamento en Quichua Cañar 1996

¹⁴ Maijanpish ungushca cashpaca, Apunchic Jesuspac shutipi aceiteta churashpa Diosman mañachun, tandanacushca criccunata pushaccunata c'ayac cachachun.

SANTIAGO 5:14 ပူးပေါင်းရင်းမြစ်များ

1 REYES 17:21

Eliasca chai huahuapac cuerpota quimsa cutincaman ucllarishpami, Mandac Diostaca: «¡Ñucata Mandac Dioslla, cai huahuapac almata paipac cuerpoman cutichi!» nishpa, sinchita mañarca.

2 REYES 4:33

Chaimantami Eliseoca ishcaitatac canzhapi saquishpa, punguta huichcarishpa, Mandac Diosta mañarca.

2 REYES 5:11

Shina nicpimi, Naamán piñarishpaca: «Pai tupangapac llucshishpa, ñuca ladopi shayarishpa, paipac maquita ungushca pushtupi churashpa, paipac Diospac shutipi mañacpi lepra ungüi anchurina cashcatami yuyarcani.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

MARCOS 6:13

Achca supaicunatami gentecunamanta llucchishpa cacharca. Achca ungushcacunatami aceiteta umapi churashpa alliyachirca.

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

HECHOS 15:4

Paicuna Jerusalenman chayacpica, apostolcuna, criccunata pushac yuyaccuna shinallatac tucui criccunami chasquirca. Pablopish, Bernabepish Dios paicunahuan ima shina cashcatami parlarca.

HECHOS 28:8

Publiopac taitaca calentura ungüihuanpish, purichic ungüihuanpishmi camapi cashca carca. Paita Pablo ricungapac rishpaca, maquita ungushcapac jahuapi churashpa, Diosta mañashpami alliyachirca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

TITO 1:5

Creta llactapi canta saquishpaca, ñuca nishca shinallatac chai allichina cashcatapish allichichun, tandanacushca criccuna tiyac pueblocunapica criccunata pushaccunata acllashpa churachunmi saquimurcani.