SANTIAGO 4:14 - Dios Rimashcata Quillcashcami

¹⁴ Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

Nuevo Testamento en Quichua Cañar 1996

¹⁴ Caya punzha cancunapac causai ima tucuna cashcataca, manamari yachanguichicchu. Cancunapac causaica p'uyu ashata ricurishpa, tigrai chingaric shinallami.

SANTIAGO 4:14 ပူးပေါင်းရင်းမြစ်များ

2 SAMUEL 19:34

Shina nicpi, Barzilaica jatun mandactaca: —Jatun mandac-huan Jerusalenman huichai rishpa achca huatacunata causangapacca asha huatacunata charini.

SALMOS 102:3

Ñuca causaica cushni chingaric shinami tucuricun. Ñuca tullucunaca yanta ninapi rupacuc shinami rupacun.

SALMOS 144:4

Gentecunaca samai shinallami. Paicuna causana punzhacunaca llandu shinallami.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SALMOS 78:39

Diosca paicunataca huañuclla aichayuc cashcata, samai llucshishpa, mana cutin cutimuc shina cashcatami yuyarirca.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

ISAÍAS 2:22

¡Ama runacunapi shunguta churashpa causaichicchu! Paipac causaica huaira shinallami. ¿Runa ima cacpitac, shunguta churanguichic?

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

SANTIAGO 1:10

Shinallatac chayucpish Dios yangallata ruhuacpica cushillami cana can. Chayucca quihua sisa chaquiric shinami tucunga.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

1 JUAN 2:17

Cai pachaca tucui ima tiyashca millai munaicunandimi chingaringa, ashtahuanpish Dios munashcata ruhuacca huiñaitami causanga.