SANTIAGO 3:6 - Dios Rimashcata Quillcashcami

⁶ Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

Nuevo Testamento en Quichua Cañar 1996

⁶ C'alluca shuc nina shinami. C'alluca ñucanchic cuerpopica, imapish millaita callarichicmi. Chai shina cashpami, tucui ñucanchic cuerpota mapayachin. C'alluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

SANTIAGO 3:6 ပူးပေါင်းရင်းမြစ်များ

2 SAMUEL 16:20

Chai quipami Absalonca Ahitofeltaca: —Ñucanchicman imata ruhuanata yuyaita cuiyari— nirca.

2 SAMUEL 19:43

Shina nicpimi, israelcunaca Judá gentecunataca: —Ñucanchicmi jatun mandacmantaca chunga cutin yallita japinata charinchic. Paipac aillupura cashcamantacarin ashtahuanmi japina canchic. Chashna cacpica ¿Ima nishpa ñucanchicta yangalla cashcata yuyanguichic? ¿Manachu ñucanchic jatun mandactaca cutichun nircanchic?— nirca. Shina nicpimi, Judá gentecunaca israelcunataca yallimana sinchita rimarca.

2 CRÓNICAS 13:17

Chai macanacuipimi Abiasca paipac soldadocunahuan sinchita macanacushpa, pichca patsac huaranga acllashca Israel soldadocunata huañuchirca.

SALMOS 140:3

Paicunapac calluca culebrapac callu shina puntasapami. Paicunapac shimicunapish culebrapac veneno shinami.

SALMOS 64:3

Paicunapac callucunataca filo espadata shinami allichincuna. Arcota shitac shinami jayac shimicunata parlancuna.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 16:27

Mana allita ruhuac runaca mana allita ruhuanallatami yuyan. Paipac shimimantaca rupacuc nina shinami llucshicun.

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

PROVERBIOS 7:5

Chai alli yachachishcacunaca shucpac huarmimanta, mana ricsishca huarmi mishquillata rimashpa inquitanamantapish cuidangami.

ISAÍAS 30:27

¡Riquichic, Mandac Diospac shutica carumantami shamun! Paipac ñahuipish nina japirishpa cushnicuc shinami tucushca. Paipac callupish yallita piñarishcami. Paipac shimipish tucuchic nina shinami.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 28:16

Chaimantami Mandac Diosca: “Canca ñucata cai gentecuna mana cazuchunmi parlarcangui. Chaimantami cai pachamanta anchuchigrini. Cai huatallatami huañungui” ninmi» nirca.

LEVÍTICO 24:11

Chai Israel huarmipac cari huahuami Diospac shutita rimashpa nirca. Chaimantami Moisespacman aparca. Paipac mamaca Dan aillumanta Dibripac ushi Selomitmi carca.

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

NÚMEROS 31:16

¡Chai huarmicunaca Balaam yachachishcata uyashpami israelcunata pandachirca! ¡Chaimantami Mandac Diospaclla israelcunaca Baal-peor diosta adorashpa, Mandac Diosta piñachirca! ¡Chaimantami Mandac Diospac tandanacushca israelcunaca achca huañurca!

SAN MATEO 12:24

Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

MARCOS 7:15

Imapish shimita yaicucca mana juchayucta ruhuanchu, ashtahuanpish shungumanta llucshic mana alli yuyaimi juchayuctaca ruhuan.

SAN LUCAS 16:24

Chaimanta chayuc runa caparishpaca: “¡Taita Abrahamlla, ñucata llaquiyari! Ñucaca cai ninapimi llaqui nanaihuan apacuni. Chaimanta Lazarota cachai, paipac dedota yacupi satishpa, ñuca callullatapish chiriyachichun” nirca.

HECHOS 20:30

Cancunapuramantapish maijanca: “Ñucata catichic” nishpami, llullashpa huillanga.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

HECHOS 6:13

Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

DEUTERONOMIO 13:6

Cancunapac huauqui, cancunapac churi, cancunapac ushi, cancunapac cuyashca huarmi, mana cashpaca, cancunapac mai ricsishca: “Canpish, cambac taitacunapish mana ricsishca shuctac dioscunata,

TITO 1:11

Paicunaca cullquita japingaraicullami, tucui huasi familiacunata manapish yachachina cashcata yachachishpa crichincuna. Paicunataca upallachina can.

SANTIAGO 2:7

¿Manachu paicunallatac cancuna alli nina shutitapish mana allichu nishpa rimancuna?

SANTIAGO 3:7

Gentecunaca sachapi causac, volashpa puric, allpata aisarishpa puric, yacupi causac animalcunatapish mansoyachi pudinmi.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

3 JUAN 1:10

Chaimantami ñuca rishpaca, ñucanchicmanta huashalla parlashpa, llullashpa puricucta yuyachishpa rimasha. Maijan criccuna pozachichun nicpipish, mana chaquisha ninchu. Shinallatac criccunata chasquishun niccunatapish, jarcashpami tandanacushca criccunamanta llucchishpa cachan.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.