SANTIAGO 3:17 - Dios Rimashcata Quillcashcami

¹⁷ Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

Nuevo Testamento en Quichua Cañar 1996

¹⁷ Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.

SANTIAGO 3:17 ပူးပေါင်းရင်းမြစ်များ

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

1 CRÓNICAS 22:12

Can israelcunata mandacucpi, canta Mandac Dios mandashcata can pactachichun Diosllatac yuyaita cushpa, alli yachacta ruhuachun.

1 CRÓNICAS 22:9

Riqui, canca shuc churitami charingui. Paica sumacta causac runami canga. Shinallatac muyundi llactacunapi causac tucui paita piñaccunamantapish huacaichishami. Paipac shutica Salomonmi canga. Pai causacui punzhacunapica sumac cushi causaita israelcunaman cushpami samachisha.

JOB 28:12

¿Ashtahuanpish alli yachaica maipishi tariringa? ¿Maipishi alli yuyaipish tiyan?

JOB 28:23

Diosllami alli yachaiman rina ñantapish, maipi tiyacuctapish yachan.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

ÉXODO 36:2

Moisesca Bezaleeltapish, Aholiabtapish, Mandac Dios alli yuyaita cushca runacunatapish, shungumanta Diospacta ruhuana munaita charic runacunatapishmi cayarca.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

ISAÍAS 32:6

Misa runaca misa canamantami parlan. Paipac shungupica millaita ruhuanallatami yuyaricun. Mandac Diostapish mana cazushpami burlan. Yarcaihuan caccunatapish chushac maquitami saquin. Yacunayaihuan caccunamanpish yacuta mana cunchu.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

MALAQUÍAS 2:9

Cancunaca ñuca yachachishcataca mana cazurcanguichicchu. Ñuca mandashcacunataca ñahuita ricushpallami yachachircanguichic. Chaimantami cancunataca tucui llactacunapurapi millanga, shinallatac yangalla canguichic» ninmi.

MALAQUÍAS 3:3

Paimi Levipac huahuacunataca chuyayachinga. Chaimantami curita, cullquita chuyayachic shina, juchacunata anchuchishpa chuyayachingapac tiyaringa. Cullquita ninapi rupachishpa, chuyayachic shinami mapata anchuchinga. Shina ruhuacpimi, cashcata ruhuashpa, Mandac Diosman ofrendata cunga.

SAN MATEO 23:28

Gentecunapac ricuipica cashcata ruhuaccuna shinami canguichic, ashtahuanpish ucu shungupica llullana yuyai, mapa yuyaicuna jundami canguichic.

SAN MATEO 5:8

Shungupi millai yuyaita mana chariccuna, ¡cushicuichic! Cancunami Diostaca ricunguichic.

SAN MATEO 5:9

Piñanacushcata allichiccuna, ¡cushicuichic! Cancunami Diospac huahuacuna canguichic.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 6:36

Chashnallatac Dios ima shinami cancunata llaquin, chai shinallatac shuccunata llaquichic.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

HECHOS 11:24

Bernabeca alli runa, alli cric, Diospac Espíritu jundami carca. Chaimantami pai huillacpica, achca gentecuna Apunchic Jesusta crirca.

HECHOS 9:36

Jope pueblopica, Tabita shuti cric huarmimi causarca. Chai shutica, griego rimaipica «Dorcas» nisha ninmi. Chai huarmimi huacchacunata ayudashpapish, shuctac allicunata ruhuashpapish causac carca.

ROMANOS 12:18

Tucuihuan cushilla causanata munaichic.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 15:14

Cuyashca criccuna, cancuna yallita cuyac cashcatapish, alli yachac cashcatapish, caishuc chaishucta cunac cashcatapish yachani.

1 CORINTIOS 12:8

Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 6:6

Shinallatac alli causac, imapish cashcata alli yachac, mana piñaric, llaquiccunami canchic. Diospac Espíritu ñucanchic shungupi cashcamantaca, chuya shunguhuan cuyaccuna cashcatami ricuchinchic.

2 CORINTIOS 7:11

Cancuna Dios munashca shina llaquirishcamantami, ima tucushcata yuyarishpa ima shina cashcata entendishpa, allichirishpa, yuyaita japircanguichic. Piñarishpapish, manchana yuyaitami japircanguichic. Ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 9:10

Muyutapish tarpuchun cuc, micunatapish carac Diosllatacmi cancunamanca tucui ima illashcataca cunga. Shinallatac cancuna shuccunaman carachunmi allpapipish achcata pucuchinga. Cancuna cashcata ruhuashcaca mirachishcami canga.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

1 TESALONICENSES 2:7

Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

2 TIMOTEO 2:24

Maijanpish Apunchic Jesusta servicca mana pihuanpish piñanacushpachu purina, ashtahuanpish tucuihuan apanacuc, mana piñaric, alli yachachicmi canami can.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

TITO 3:2

pitapish mana allichu nishpa ama rimachun, pihuanpish mana piñanacushpa, caishuc chaishuc-huan apanacushpa, cuyac shunguhuan cachuncuna yuyachishpa yachachingui.

HEBREOS 12:11

Ari, ima llaquipish chai ratoca mana cushichinchu, ashtahuanpish nanachinmi. Shina cashpapish, quipatami cashcata ruhuanata, sumacta causanata yachachin.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

SANTIAGO 2:4

Chai shina ruhuashpaca cancunapurallatac chicanyachishpami mana alli yuyaicunahuan ruhuacunguichic.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

1 PEDRO 1:22

Cunanca tucui shunguhuan criccunapura cuyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan caishuc chaishuc cuyanacuna canguichic.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

1 PEDRO 2:18

Serviccunaca, cancunapac amocunata tucui imapipish cazuichic. Ama cuyac, llaquic amocunallata cazuichicchu, ashtahuanpish mana alli amocunatapish cazunami canguichic.

1 JUAN 3:18

Ñuca cuyashca huahuacuna, ama shimillahuan “cuyanimi” nishunchic, ashtahuanpish imatapish ruhuashpatac cuyashcata ricuchishun.

1 JUAN 3:3

Maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchurin.