SANTIAGO 3:13 - Dios Rimashcata Quillcashcami

¹³ Cancunapuramanta maijan alli yachac, yuyaisapa cashpaca, imatapish allita ruhuashpa, mana piñaric alli shungu tucushpa, yachac cashcataca ricuchichic.

Nuevo Testamento en Quichua Cañar 1996

¹³ Cancunapuramanta maijan alli yachac, yuyaisapa cashpaca, imatapish allita ruhuashpa, mana p'iñaric alli shungu tucushpa, yachac cashcataca ricuchichun.

SANTIAGO 3:13 ပူးပေါင်းရင်းမြစ်များ

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

SALMOS 122:8

Ñuca huauquicunamantapish, ñuca ricsishcacunamantapish ñucaca: «Cushi causai canhuan cachun» ninimi.

SALMOS 149:4

Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

SALMOS 25:9

Yangalla runacunataca cashcata ruhuashpami pushan. Alli shungucunataca alli causanatami yachachin.

SALMOS 45:4

Can sumaimana cashcamantaca, tucuipimi alli llucshingui. Cambac poderhuanmi carretata caballocunapi aisachishpa yangalla shinacunaman cashcata ruhuangapac, mana llullac cashcahuan millaita ruhuaccunata llaquichingui. Alli maquihuanca mai mancharinacunatami ruhuangui.

ECLESIASTÉS 8:1

¿Pitac yuyaisapa shina runaca tiyan? ¿Pitac tucuita entendishpa huillacca tiyan? Alli yachaica runapac ñahuitami achicyachin. Piñashca cactapish alliyachinmi.

ECLESIASTÉS 8:5

Mandashcata cazuc runaca mana ima tucungachu. Yuyaisapa runapac shunguca Dios ima horas, ima shina ruhuanata yachanmi.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

JEREMÍAS 9:12

Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

NÚMEROS 12:3

Moisesca tucui cai pachapi causac runacunamanta yalli humildemi carca.

SAN MATEO 11:29

Yugota apac shina, ñucata catichic, ñucamanta yachacuichic. Ñucaca mana piñaric, alli shungumi cani. Samaringuichicmi.

SAN MATEO 21:5

«Sión pueblopi causaccunataca: “Jatun Mandacca cuyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun” nishcami» nirca.

SAN MATEO 5:5

Llaquilla shungucuna, ¡cushicuichic! Cancunami Dios cusha nishca llactataca japinguichic.

SAN MATEO 7:24

Maijanpish cai nishcata uyashpa cazucca, shuc alli yuyaiyuc, sinchi rumi allpapi huasichic runa shinami.

1 CORINTIOS 6:5

Criccunapurapi imapish piñanacuicuna tiyacta ricushpa allichichunca, ¿manachu cancunapurapi maijan shucllapish tiyan? Cancuna pingaita charichunmi caitaca nini.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 8:24

Caipi chaipi cac tandanacushca criccuna cancuna cuyac cashcata yachachunca, cai huauquicunata allita chasquichic. Chai shina cancuna allita chasquicpimi, ñucanchic cancunata “allicunami” nishcaca mana yanga canga.

GÁLATAS 5:23

mana jatun tucuccunami, shinallatac mana allimanta jarcariccunami. Chashna causaccunataca mana allichu nic mandashcaca mana tiyanchu.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

GÁLATAS 6:4

Allita, mana allita ruhuacushcata ricungapacca, quiquinllatac ima shina causacushcatami ricuna can. Chashna ricushpami mana shuccunahuan chimbapurashpa, ashtahuanpish quiquinllatac allita ruhuacushcamanta cushicuna can.

EFESIOS 4:2

Ama pihuanpish jatun tucushpa, ama piñarishpa, cuyac shunguhuan caishuc chaishuc-huan apanacushpa cuyanacuichic.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli caticushcatami cancunamantaca uyasha nini.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TIMOTEO 6:11

Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.

TITO 3:2

pitapish mana allichu nishpa ama rimachun, pihuanpish mana piñanacushpa, caishuc chaishuc-huan apanacushpa, cuyac shunguhuan cachuncuna yuyachishpa yachachingui.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

SANTIAGO 2:18

Ashtahuanpish maijanca: «Canca cricmi cangui, cutin ñucaca allicunata ruhuacmi cani» ningachari. Chashna nictaca: «Ima allita mana ruhuashpa, can crishcata ricuchiyari, cutin ñucaca imatapish allita ruhuashpa, cric cashcataca ricuchisha» ninimi.

SANTIAGO 3:1

Ñuca cuyashca criccuna, ama taucacuna Diosmanta yachachiccuna tucushunchic. Diosca ñucanchictami tucuimanta yallica ashtahuan taripanga.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

1 PEDRO 1:15

Ashtahuanpish cancunata acllac Diosca ima jucha illacmi. Shina cashcamanta cancunapish tucui causaipi ima jucha illac causanata munaichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.