SANTIAGO 2:25 - Dios Rimashcata Quillcashcami

²⁵ Chai shinallatacmi huainayashpa causac Rahabtapish, chai llactata pacalla ricungapac shamuccunata huasipi chasquishpa shuc ñanta cachashcamanta, Diosca “cashcata ruhuacmi” nishpa chasquirca.

Nuevo Testamento en Quichua Cañar 1996

²⁵ Chai shinallatacmi chai huacllirishpa causac Rahab huarmitapish, chai llactata pacalla ricungapac shamuccunata huasipi chasquishpa shuc ñanta cachashcamanta, Taita Diosca “cashcata ruhuacmi” nishpa chasquirca.

SANTIAGO 2:25 ပူးပေါင်းရင်းမြစ်များ

SAN MATEO 1:5

Salmonca Booz churitami charirca. Boozpac mamaca Rahabmi carca. Boozca Obed churitami charirca. Obedpac mamaca Rutmi carca. Obedca Isaí churitami charirca.

SAN MATEO 21:31

Cai ishcaimantaca, ¿maijantac taita mandashcataca ruhuarca?— nishpa tapurca. Chashna tapucpimi paicunaca: —Punta churiyari— nircacuna. Shina nicpimi Jesusca: —Chai shinallatacmi Dios mandacucmanca, impuestota japiccunarac, cullquimanta huainayac huarmicunarac yaicunga. Chaica chashnatacmi.

HECHOS 17:7

Cai Jasonpish paipac huasipimi chai runacunata chasquic cashca. Tucui paicunami jatun mandac César mandashcataca mana cazushpa: “Ñucanchicta jatun mandacca Jesusmi” nincuna» nishpami caparirca.

HEBREOS 11:31

Crishcamantami huainayac Rahabpish, israelcuna ricuchun cachashcacunata sumacta chasquishpa, mana cazuccunahuan pacta mana huañurca.

SANTIAGO 2:18

Ashtahuanpish maijanca: «Canca cricmi cangui, cutin ñucaca allicunata ruhuacmi cani» ningachari. Chashna nictaca: «Ima allita mana ruhuashpa, can crishcata ricuchiyari, cutin ñucaca imatapish allita ruhuashpa, cric cashcataca ricuchisha» ninimi.

SANTIAGO 2:22

Chashnami crishcaca imatapish allita ruhuashcahuan pacta can. Pai crishpa allita ruhuacpimi, ashtahuan alli cashcata ricunchic.

SANTIAGO 2:24

Diosca crishcallamanta mana chasquishcata, ashtahuanpish allita ruhuashcamantapish chasquishcatami ricunguichic.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.

JOSUÉ 2:15

Shina nicpimi, chai huarmica huascahuan huatashpa, ventanata uricuchirca. Chai huasica pueblo muyundi jatun pirca jahuapimi carca.

JOSUÉ 2:16

Chashna uricuchishpaca: —Mashcashpa caticcuna cancunahuan ama tupachunca, urcuman richic. Cancunata caticcuna cutimungacaman quimsa punzhata chaipi miticugrichic. Chai quipaca, cancunapac ñanta catishpa ringuichicllami— nirca.

JOSUÉ 2:4

Ashtahuanpish, chai runacunata chasquishpa, pacashpa charicuc huarmica: —Ari, ñuca huasiman shamurcacunami. Paicuna maimanta cashcataca, mana yacharcanichu.

JOSUÉ 2:6

Ashtahuanpish chai runacunataca huasi jahuaman huichicuchishpami, lino chaquichishca ucupi pacarca.

JOSUÉ 6:17

Shina cacpipish, Mandac Diosca cai pueblopi causaccunataca chaipi tucui imalla tiyashcacunandi tucuchingapacmi chicanyachishca. Huainayashpa causac Rahab huarmillami paipac huasipi tiyaccunandi mana huañunga. Paica ñucanchic cachashca pacalla ricuc runacunata pacashpa, mana huañuchichun saquishcamantami mana huañuchishca canga.