SANTIAGO 2:19 - Dios Rimashcata Quillcashcami

¹⁹ Canca shuclla Dios tiyashcatami cringui. Shina crishpaca, allitami ruhuangui. Supaicunapish crincunami, shinallatac manchaihuanmi chucchuncuna.

Nuevo Testamento en Quichua Cañar 1996

¹⁹ Canca shuclla Dios tiyashcatami cringui. Chai shina crishpaca, allitami ruhuangui. Chai shinallaca supaicunapish crincunami, shinallatac manchaihuanpish chucchuncunami.

SANTIAGO 2:19 ပူးပေါင်းရင်းမြစ်များ

ISAÍAS 43:10

Cancunami ima tucushcata huillaccuna canguichic. Ñucata servic, ñuca acllashcacunami canguichic. Chaica, cancuna ñucata ricsishpa crichun, ñuca pi cashcata yachachunmi acllarcani. Ñucapac puntaca pi dios mana tiyarcachu, quipapish mana tiyangachu.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

ISAÍAS 45:6

Chaica, inti llucshic ladomanta inti tigrana ladocaman causaccunaca ñucaca Mandac Dios cashcata, shuctac Diosca mana tiyashcata yachachunmi chashnaca ruhuarcani.

ISAÍAS 46:9

Utca huatacunapi ñuca imata ruhuashcacunatapish yuyarichicyari. Ñucami Dios cani, ashtahuan shuctac Diosca mana tiyanchu. Ñucaman shinaca pipish mana tiyanchu.

JONÁS 4:4

Shina nicpimi, Mandac Diosca: —¿Chashna yallita piñarishpaca, allitachu ruhuangui?— nirca.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

MARCOS 1:24

—Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

MARCOS 12:29

Chashna tapucpimi Jesusca: —Tucui mandashcacunamanta ashtahuan yallica caimi: “Uyaichic israelcuna, ñucanchic Diosca Mandac Diosmi. Paica shucllami.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

MARCOS 7:9

Shinallatac Jesusca: —Dios mandashcacunataca saquishpami, ñaupa taitacuna yachachishcallata cazunguichic.

SAN LUCAS 4:34

caparishpaca: —Nazaret pueblomanta Jesús, ¿canca imatatac ñucanchictaca nic shamungui? ¿Llaquichingapacchu shamungui? ¡Ñucanchictaca saquilla! Ñucaca canta ricsinimi. Canca Dios cachashca Jucha Illacmi cangui— nirca.

SAN JUAN 17:3

Cai huiñai causaitaca, shuclla Dios cashcata crishpa, Jesucristoca Dios cachashca cashcata crishpami chasquinga.

HECHOS 16:17

Chai huambra Pablotapish, ñucanchictapish catishpaca: —¡Cai runacunaca jahua pacha Diosta serviccunami! Paicunaca ima shina quishpirinatami huillancuna— nishpami caparicurca.

HECHOS 19:15

Chashna nicucpimi, millai supaica: «Jesustaca ricsinimi, Pablo pi cashcatapish yachanimi. Ashtahuanpish cancunaca, ¿picunatac canguichic?» nirca.

HECHOS 24:25

Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca: —Cunanca rilla. Cutin uyasha nishpaca, cayachishallami— nirca.

ROMANOS 3:30

Chaica, Diosca shucllami. Paimi circuncisionta ruhuashca cacpipish, mana ruhuashca cacpipish, Jesusta crishcallamanta chasquin.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

1 CORINTIOS 8:6

ñucanchicmanca shuclla Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

GÁLATAS 3:20

Diosca cusha nishcataca, pi shucta huillaccunaman mana huillachircachu, ashtahuanpish paillami chaitaca ruhuashca.

DEUTERONOMIO 6:4

Israelcunalla uyaichicyari. Ñucanchicta Mandac Diosca shucllami.

1 TIMOTEO 2:5

Shuclla Diosmi tiyan. Dios-huan gentecunahuan alli tucuchicpish, shucllami tiyan. Paica runa tucungapac shamushca Jesucristomi.

SANTIAGO 2:8

Tucuimanta yalli mandashcata pactachishpaca, allitami ruhuanguichic. Dios quillcachishcapica: “Can quiquinllatac ima shinami cuyaringui, chai shinallatac shuccunatapish cuyangui” ninmi.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.