SANTIAGO 1:27 - Dios Rimashcata Quillcashcami

²⁷ Diospac ñaupapi mapa illac, Diosta alli cricmi cani ninaca, llaquipi cac viuda huarmicunatapish, taita mama illaclla cac huahuacunatapish ayudanami can. Shinallatac cai pachapi tiyac imapish mana allicunamanta huacaichirinami can.

Nuevo Testamento en Quichua Cañar 1996

²⁷ Maijanpish Taita Diospac ñaupapi Diosta tucui shunguhuan alli cricca, llaquilla cac viuda huarmicunatapish, taita mamata mana charic llaquilla cac huahuacunatapish ayudanami can. Shinallatac cai pachapi tiyac imapish juchallinacunamantaca huacaichirinami can.

SANTIAGO 1:27 ပူးပေါင်းရင်းမြစ်များ

SALMOS 119:1

Mandac Dios mandashcacunata cazushpa, ima millaitapish mana ruhuashpa causaccunaca maimi cushicun.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

SALMOS 68:5

Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

SAN MATEO 12:32

Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.

SAN MATEO 5:8

Shungupi millai yuyaita mana chariccuna, ¡cushicuichic! Cancunami Diostaca ricunguichic.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

ROMANOS 2:13

Mandashcacunata uyashcallamantaca pipish mana Dios-huan alli tucunchu, ashtahuanpish chai mandashcacunapi ima nishcata cazushpami, Dios-huanca alli tucun.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

GÁLATAS 3:11

Shinallatac mandashcacunata pactachishpalla pipish Dios-huanca mana alli tucungachu. Dios quillcachishcapica: «Dios-huan alli tucushcacunaca crishcallamantami causanga» ninmi.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

GÁLATAS 6:14

Ñucaca imamantapish “allimi cani” mana ninichu, ashtahuanpish Apunchic Jesús cruzpi huañushcallamantami “alli cani” nini. Paimantami ñucamanca cai pachapacta ruhuanaca huañushca shina imapish mana can, shinallatac ñucapish cai pachapacta ruhuangapacca huañushca shinallatacmi cani.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

DEUTERONOMIO 14:29

Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.

1 TIMOTEO 1:5

Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

1 TIMOTEO 5:4

Ashtahuanpish maijan viuda huahuacunata, nietocunata charicpica, paicunarac ima shina taita mama huiñachishcata yuyarishpa, mamata ayudachun yachachingui. Chaimi alli, shinallatac Diostapish cushichinmi.

TITO 2:12

Chai cuyaimi mana allita ruhuanatapish, mana alli munaicunatapish saquishpa, cai pachapi alli yuyaihuan, cashcata ruhuashpa, Diosta cazushpa,

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

SANTIAGO 3:9

Chai callullahuantacmi Diostapish allimari cangui ninchic, shinallatac Dios pai shina ruhuashca gentecunatapish, imapish tucushca canman ninchic.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

2 PEDRO 1:4

Chashna cayashpami, pai cusha nishca mai valishca allicunataca cushca. Cancuna cai pacha millaicunata ruhuashpa, llaquiman rigricushcamanta anchurishpa pai shina tucuchunmi, chashna cushca.

2 PEDRO 2:20

Maijanpish ñucanchicta Mandac Quishpichic Jesusta crishpaca, chai mana alli causaimanta anchurishcami can. Chashna anchurishca cashpapish cutin chaillamanta tigrarishpaca, ñaupa ima shina causacushcatapish ashtahuan yallimi tucun.

2 PEDRO 3:14

Chaimanta cuyashca criccuna, caicunata shuyacushcamantaca, Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.