SANTIAGO 1:22 - Dios Rimashcata Quillcashcami

²² Dios rimashcacunataca ama uyaccunalla caichicchu, pactachiccunatac caichic. Chashna uyaccunalla cashpaca, cancunallatacmi pandaringuichic.

Nuevo Testamento en Quichua Cañar 1996

²² Ashtahuanpish cai alli huillaitaca ama uyaccunalla caichicchu, pactachiccunatac caichic. Chashna uyaccunalla cashpaca, cancunallatacmi mana allita ruhuashpa pandaringuichic.

SANTIAGO 1:22 ပူးပေါင်းရင်းမြစ်များ

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

JEREMÍAS 11:6

Shina nicpimi, Mandac Diosca: «Cai rimashcataca Judá llactapi tiyac llactacunapi, Jerusalén ñancunapi huillashpa: “Cai ari nishcata pactachichic.

ABDÍAS 1:3

Cambac shungupi jatun tucuna yuyaillami cantaca pandachirca. Canca jatun urcu chaupipimi cangui. Chaipi causashpami cambac shungupica: “¿Pitac caimantaca pambaman urmachingayari?” yuyangui.

SAN MATEO 12:50

Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SAN JUAN 13:17

Caicunata entendishpa, chaitatac ruhuashpaca, mai cushicuimi canguichic.

ROMANOS 2:13

Mandashcacunata uyashcallamantaca pipish mana Dios-huan alli tucunchu, ashtahuanpish chai mandashcacunapi ima nishcata cazushpami, Dios-huanca alli tucun.

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

1 CORINTIOS 6:9

Millaita ruhuaccuna Dios mandacucpi imata mana charina cashcataca, ¿manachu yachanguichic? Ama pandarichicchu. Huaclliriccunapish, ruhuashcalla dioscunata adoraccunapish, huainayaccunapish, huarmi tucuccunapish, caricunapura millaita ruhuaccunapish,

GÁLATAS 6:3

Maijan manapish ima cashpa, “allimi cani” nicca, paillatacmi llullarishpa pandaricun.

GÁLATAS 6:7

Ama llullanacuichicchu. Diostaca pipish mana llullashpa crichinchu. Pipish imata ruhuashcamantaca chaillatatacmi japinga.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhanta ashtahuan ashtahuan mana allipi catishpami ashtahuan pandachishpa, paicunapish pandaringacuna.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.

SANTIAGO 4:11

Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

2 PEDRO 2:13

Shuccunata llaquichishcamantaca, paicunapish llaquita apangacunami. Imapish mapa, mana allicunata punzha pacha ruhuashpaca, allitami ruhuanchic nishpami cushicuncuna. Cancunahuan tandanacushpa micungapac rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.

1 JUAN 1:8

Ima juchata mana charinchicchu nishpaca, ñucanchicllatacmi pandaricunchic. Shina cacpimi ñucanchic shungupica cashcata ruhuashpa causana yuyaica mana tiyan.

1 JUAN 2:3

Diospac mandashcacunata pactachishpaca, paita ricsishcatami yachanchic.

1 JUAN 3:7

Cuyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatacmi allita ruhuan.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 22:7

Shinallatac Jesusca: —¡Ñallami shamusha! Maijanpish cai libropi quillcashca, Dios huillashcata ricushpa cazucmanca, ¡mai cushicuimi canga!— nirca.