SANTIAGO 1:11 - Dios Rimashcata Quillcashcami

¹¹ Yuraca inti llucshishpa, nina rupaihuan chaquichicpica, sisaca urmanmi, pai sumac cashcaca chingarinmi. Chai shinallatacmi chayucpish, paipac randina, catunapica chingarin.

Nuevo Testamento en Quichua Cañar 1996

¹¹ Sisaca inti llucshishpa, sinchita rupacyachishpa, q'uihuata chaquichicpica urmanllami. Chaipimi pai sumac cashcaca chingarin. Chai shinallatacmi chayucpish, paipac randina, c'atuna cashcata saquishpa chingaringalla.

SANTIAGO 1:11 ပူးပေါင်းရင်းမြစ်များ

2 SAMUEL 22:46

Shuctac llactamanta shamushca gentecunami irquiyashpa paicuna miticushcamanta chucchushpa llucshin.

SALMOS 102:11

Ñuca causaica llandu shinami chingaricun. Quihua shinami chaquicuni.

SALMOS 102:4

Ñuca shunguca chugririshpa quihua shinami chaquishca. Chaimantami ñuca micunatapish cungarircani.

SALMOS 103:15

Runapac causaica quihua shinami. Campopi huiñashca sisa shina cashpapish,

SALMOS 37:2

Paicunaca quihua shinami pitishca canga. Llullu quihua shinami chaquinga.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 90:6

Quihuaca tutamanta huiñashpa sisashca cashpapish, chishipacca anguyashpa chaquinllami.

ECLESIASTÉS 5:15

Ima shinami mamapac huicsamanta lluchulla huacharin, chashnallatacmi tigran. Cai pachaman ima shina shamushca shinallatacmi cutin. Pai trabajashpa imata charishcamantaca imata mana apanchu.

ISAÍAS 28:1

¡Aij, machashpalla causac jatun tucushca Efraín aillulla! Sumac chagra pambamanta jahua uma quingraipi tiyac corona shinami. Vinota ubiashpallami causan. Paicunaca anguyaclla sisa shinami.

ISAÍAS 28:4

Pugru patapi tiyac chai sumaimana chagrapish, sisa shina coronapish punta pucushca grano shinami tucunga. Shinallatac usyai punzhacunapi punta pucushca higota pipish ricushcahuan japishpa micuc shinami tucunga.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

SAN MATEO 13:6

Chashna cacpipish, chai yuraca mana ucuman sapita charishcamantami, inti rupachicpica chaquirca.

SAN MATEO 20:12

“Cai quipata yaicuccunaca shuc horasllatami trabajashca, ashtahuanpish ñucanchicca tucui punzhami rupaipi llaquita apashpa, trabajashcanchic. ¿Chashna cashca jahuachu, paicunamanpish ñucanchic-huan pacta pagangui?” nirca.

SAN MATEO 6:30

¡Mana tucui shunguhuan cric gentecunalla! Cunanca sumacta sisacuc, cayaca ninapi shitanalla quihuacunatapish huiñachic Diosca, ¿manachu cancunamanca ashtahuan yallita churachinga?

MARCOS 4:6

Chai yuraca mana ucuman sapiyuc cashpami, inti llucshishpa rupachicpica chaquircalla.

1 CORINTIOS 7:31

Cai pachapi ima tiyashcahuan cushicuccunaca ama cushicuchun. Cai pachapi ima tiyashcacunaca chingaringallami.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.