SALMOS 99:4 - Dios Rimashcata Quillcashcami

⁴ Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

SALMOS 99:4 ပူးပေါင်းရင်းမြစ်များ

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 98:9

Chashna cai pachapi causaccunata taripangapac shamuc Mandac Diospac ñaupapi cushicuichicyari. Tucui cai pachapi causaccunataca cashcata ruhuashpami taripanga. Shuctac gentecunataca cashcata nishpami mandanga.

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

DEUTERONOMIO 10:18

Paica taita mama illaccunamanpish, viudacunamanpish cashcata ruhuacmi. Shuctac llactamanta shamushpa causaccunamanpish caracmi, churachicmi.

SAN JUDAS 1:15

Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta piñachishpa, millaillata rimashcamanta taripashpa llaquichingapacmi shamurca» nishcami.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.