SALMOS 99:3 - Dios Rimashcata Quillcashcami

³ Manchana paipac jatun shutitaca alabaichicyari. ¡Paica jucha illacmi!

SALMOS 99:3 ပူးပေါင်းရင်းမြစ်များ

NEHEMÍAS 1:5

Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

SALMOS 100:4

Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.

SALMOS 103:1

Ñuca almalla, Mandac Diostaca alli niyari. Paipac jucha illac shutitaca tucui shunguhuan alli niyari.

SALMOS 111:9

Pai acllashcacunaman quishpichicta cachashpami, huiñai huiñaipac ari nirca. Paica jucha illac manchana Diosmi.

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

SALMOS 76:1

Diosca Judá llactapica ricsishcami. Israel llactapica paipac shutitaca alli nincunami.

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

SAN JUAN 17:11

Ñucaca ña mana cai pachapi cagrinichu, cambacmanmi rigrini. Ñucata caticcunaca cai pachapimi saquirin. Jucha illac Taitalla, ima shinami canhuan shuc shinalla canchic, chai shinallatac paicunapish shuc shinalla cachun, cambac poderhuan cuidaiyari.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

DEUTERONOMIO 7:21

Mandac Diosca cancunapac chaupipimi. Chaimanta ama paicunataca manchaichicchu. Paica jatun manchana Diosmi.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

1 SAMUEL 2:2

Mandac Dios shina jucha illacca mana tiyanchu. Canmanta ashtahuan shucca mana tiyanchu. Ñucanchic miticuna rumi shina Diosca mana tiyanchu.