SALMOS 92:3 - Dios Rimashcata Quillcashcami

³ Chunga cuerdayuc tocanapi, salteriopi, arpapi sumacta tocashpami cantani.

SALMOS 92:3 ပူးပေါင်းရင်းမြစ်များ

1 CRÓNICAS 13:8

Davidpish, tucui israelcunapish Mandac Diospac ñaupapimi arpapi, panderopi, salteriopi, cimbalopi, trompetapi tocashpa, cantashpa cushicurca.

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

1 CRÓNICAS 23:30

Chishipish, tutamantapish, Mandac Diosta pagui nishpa, alli ningapacmi ric carcacuna.

1 CRÓNICAS 25:6

Paicuna Mandac Diospac huasipi platillopi, salteriopi, arpapi tocashpa servicucpica, paicunapac taita Hemanmi yachachishpa pusharca. Asafta, Jedutunta, Hemantaca jatun mandacmi mandacurca.

2 CRÓNICAS 20:28

Jerusalenman shamushpaca, salteriopi, arpapi, trompetapi tocashpami Mandac Diospac huasiman shamurcacuna.

2 CRÓNICAS 23:5

Shuc chicanyarishcaca mandana huasipi, shuccunaca callari rumi shuti pungupimi cuidangacuna. Cutin gentecunaca tucuimi Mandac Diospac huasi pungu pambapi cangacuna.

2 CRÓNICAS 29:25

Jatun mandac David, Dios ricuchishcata huillac Gad, Natán mandashca shinami, levitacunataca Mandac Diospac huasipi salteriocunapi, arpacunapi, cimbalocunapi tocachun churarca. Chaitaca Mandac Diosmi pai ima nishcata huillaccunata huillachishca carca.

NEHEMÍAS 12:27

Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.

SALMOS 33:2

Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

SALMOS 57:8

¡Ñuca almalla, ricchariyari! ¡Arpapish, salteriopish ricchariyari! Mushuc punzhata ricuchishpami riccharisha.

SALMOS 68:25

Cantaccunaca huashata, tocaccunaca ñaupata, cutin solteracunaca panderocunapi huactashpami chaupita shamurcacuna.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

1 SAMUEL 10:5

Chaimanta rishpaca, filisteo soldadocuna cuidacuc Diospac lomamanmi chayangui. Chai puebloman ña yaicushpaca, Dios ima nishcata huillaccuna tandanacushpa chai lomamanta urai shamucucpimi tupangui. Paicunapac ñaupataca saltereopi, panderopi, flautapi, arpapi tocashpami shamucunga. Paicunaca Dios ima nishcata huillashpami shamucunga.