SALMOS 9:6 - Dios Rimashcata Quillcashcami

⁶ Ñucata piñaccunaca huiñaitami chingarishca. Pueblocunatapish tucuitami urmachircangui. Chai pueblocunapica yuyaringapacllapish imata mana saquircanguichu.

SALMOS 9:6 ပူးပေါင်းရင်းမြစ်များ

2 REYES 19:25

Ñaupa huatacunamanta pachami caitaca ruhuarcani. Utcumanta pachami chaita ruhuangapac allichishpa shamuni. Chaitami cunanca ruhuani. Chaimantami canca muyundi pircashca pueblocunata tuñishpa montón, montonta ruhuangui ¿Caitaca manachu yacharcangui?

JOB 18:17

Paica cai pachapica chingarishcami canga. Paipac shutipish cai llactapica cungarishcami canga.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

SALMOS 7:5

ñucata piñacca japishpa llaquichichunlla. Pambaman shitashpa, ñuca alli nishca shutitapish saruchunlla.

SALMOS 8:2

Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ISAÍAS 14:17

¿Paichu tucui llactacunata shitashca pambata shina saquishpa, tucui llactacunata tucuchishpa, carcelcunatapish mana pascac runaca?” ninga.

ISAÍAS 26:14

Paicunaca huañushcami, ña mana causaringachu. Mana jataringachu. Paicunataca yallita llaquichishpami tucuchircangui. Paicunataca pi mana yuyaringachu.

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

JEREMÍAS 51:25

Mandac Diosca: «Tucui llactacunata tucuchic urculla, cantaca yallitami piñani. Canmi tucui llactacunata tucuchircangui. Ñuca llaquichishpami rumi quingraita singuchisha. Shinami rupashca urcuta saquisha.

MIQUEAS 7:10

Chaitaca ricushpaca ñucata piñashpa: “¿Canta Mandac Diosca maipitacyari?” nicpish, pingaihuan umata taparingami. Paicunata ñanpi turuta saruc shina llaquichishcataca ñuca ñahuihuantacmi ricusha.

MIQUEAS 7:8

Ñucata piñaclla, ñucamanta ama cushicuichu. Ñucaca urmashpapish jatarishallami. Ñuca pura tutapi causacucpica, Mandac Diosmi achicyachinga.

1 CORINTIOS 15:26

Tucuipac quipaca, Cristoca huañuitami atinga.

APOCALIPSIS 20:2

Chai angelmi chai dragón nishca ñaupa rucu culebrataca, huaranga huatapa cadenahuan huatarca. Paillatacmi diablo nishcapish, Satanás nishcapish can.

1 SAMUEL 30:1

Davidca quimsa punzha quipami paipac runacunandi Siclag puebloman chayarca. Chaiman chayacpica, amalecitacunami shitashca pamba Neguevta rishpa, Siclag puebloman yaicushpa ninata japichishpa tucuchishca carca.

1 SAMUEL 31:7

Pugru pamba chimba ladopi causac, Jordán yacu chimba ladopi causac israelcunapish, Israel soldadocuna miticushpa rishcata, Saulpish, paipac churicunapish huañushcata yachac chayashpami, paicuna causacuc pueblocunata saquishpa, miticushpa rircacuna. Chaimantami filisteocunaca chai pueblocunaman shamushpa, chaipi causarcacuna.