SALMOS 9:1 - Dios Rimashcata Quillcashcami

¹ Mandac Dioslla, tucui ñuca shunguhuanmi cantaca alabasha. Tucui can ruhuashca sumaimanacunatami huillasha.

SALMOS 9:1 ပူးပေါင်းရင်းမြစ်များ

1 CRÓNICAS 16:12

Pai mancharina allicunata, sumaimanacunata, paipac shimihuan mandashpa ruhuashcatapish yuyarichic.

1 CRÓNICAS 16:24

Pai sumaimana cashcataca, tucui llactacunapi cantaichic. Pai allicunata ruhuashcataca, tucui gentecunaman huillaichic.

SALMOS 106:2

¿Pitac Mandac Dios sumaimanacunata ruhuashcataca huillai pudingayari? ¿Pitac paita tucui alabanacunataca uyachingayari?

SALMOS 111:1

Mandac Diostaca, allita ruhuaccunahuan cashpa, jatun tandanacuipimi tucui shunguhuan alabasha.

SALMOS 138:1

Mandac Dioslla, ñucaca tucui shunguhuanmi cantaca pagui nini. Shuctac dioscunapac ñaupapimi cantaca salmocunahuan cantasha.

SALMOS 26:7

Chashna rishpami canta pagui nishpa cantasha. Cambac sumac ruhuashcacunatami huillasha.

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

SALMOS 86:12

Ñucata Mandac Dioslla, tucui shunguhuanmi canta alabasha. Huiñaitami cambac shutitaca jatunyachishpa causasha.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 43:21

Cai acllashcacunataca ñucapac cachunmi ruhuarcani. Tucui paicunami ñucataca alli nishpa cantanga.

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

SAN LUCAS 10:27

Shina nicpimi, chai yachachicca: —Chaipica: “Tucui shunguhuan, tucui almahuan, tucui yuyaihuan, tucui munaihuan canta Mandac Diosta cuyangui. Can quiquinta shina, shuccunatapish cuyangui” ninmi— nirca.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.